| Rudy Geerman di FTA na ocasion di apertura di aña parlamentario: Si nos no por traha hunto dificilmente e pais por progresa |
 |
 |
| Wednesday, 12 September 2012 20:14 |
|
Sin embargo, na final di dia, Gobernador a tene un bon discurso, caminda cu tin cu tene cuenta cu nos mester di otro, sino nos no por traha hunto, haciendo cu difícilmente e pais por progresa. Pa loke ta trata e refineria, sr. Geerman ta sinti su mes preocupa y ta pone atencion riba e trahadonan. Tin mas of menos 600 trahado cu ta traha cu e refineria, sin conta e milesnan cu a bay caba desde aña pasa, cu na e momentonan aki ta den contratista, pero no ta papia cu nan. Ora cu papia di cualkier solucion cu kier busca, no mester pensa solamente pasobra ta traha directamente cu Valero, pero esnan cu ta traha indirectamente cu Valero. Mester busca un solucion colectivo, segun e sindicalista. Den e cuadro ey algo mester wordo haci. Berdad cu tin algun trahado cu ta traha un trabao specificamente y dificilmente por bay den otro sector. No solamente esey, nan bida ta traha basa riba un x cantidad di placa cu ta wordo gana pa luna. Consecuentemente si bay den otro direccion ya e presupuesto, tur cos ta basa riba e suma cu ta wordo gana den actualidad. Dificilmente por bay den otro direccion y sin haya e consecuencia segun sr. Geerman. E ta un reto y esey ta den e caso aki conhuntamente nos tur por wak con por sali for di dje. |
Mustra/Kita e formulario di comentario
