Na Casa del Mar Aruba Beach Club tabata tin firmamento di e CAO nobo yena cu beneficionan hopi bon pa e empleadonan. Farida Mansur General Manager di Casa del Mar durante e firmamento a hiba palabra.

El a splica cu nan miembrecia como Time Share tin e aprobacion final. Danki na nan a logra e CAO aki. Un pabien di gerencia a bai pa e empleadonan. Aruba Beach Club a caba di cumpli 35 anja y ta prome Time Share Hotel na Aruba. Farida Mansur a splica cu nan ta e prome Time Share Resort cu a logra un CAO. E proceso aki ta uno diferente. El a dura dos anja pasobra nan miembrecia mester a dicidi pa logra esaki. Aruba Beach Club ta totalmente bendi. Awor aki ta den e trancision unda hopi yiu ta tuma over e timeshare di nan mayornan. Rene Levi Maduro ta tesorero di e board di Aruba Beach Club. El a splica cu articulonan den statuut a mustra cu no por firma un CAO mas largo cu dos anja. Nan tin 3000 miembro y mester a notifica e miembrecia. A base di e reunion annual ta trece e puntonan aki dilanti y ta keda cla. Cu placer a logra esaki y e trahadornan lo probecha di e cambio aki. Constantemente segun Rene Maduro ta inverti den e hotel. Tin un hotel cu edificio di cinco anja. Nan tin un miembro di bestuur cu tambe ta encarga cu mantencion. Mester haci mantencion pa evita un golpi fuerte unda cosnan ta empeora. E feenan ta calcula depende di cuanto camber bo tin. Tin mas of menos 150 local cu tambe ta donjo di time share na Aruba Beach Club.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi