T.G.I. Friday's Aruba tey cu ambiente, menu y promocion nobo!

Wednesday, 12 September 2012 23:39

T.G.I. Friday's Aruba, como parti di e exitoso cadena mundial di restaurant, ta orguyoso di por anuncia no un, ni dos, pero tres bon noticia. E spot faborito di grandi y chikito, ubica na Paseo Herencia, awor ta conta cu dos diferente ambiente pa ofrece na su clientela.

Mientras cu e sala paden a conoce cambio, awor T.G.I. Friday's Aruba ta conta cu un teras fabuloso cu den apenas un corto tempo, ya ta un espacio masha gusta. E menu tambe a conoce un renobacion y awor ta presenta un bachi moderno y atractivo mustrando e seleccion amplio y varia cu T.G.I. Friday's Aruba tin pa ofrece. Por scoge y mira entre appetizers, bebida di tur tipo, salada, pasta, e delicioso platonan estilo 'Jack Daniel's Grill' como tambe otro cumindanan principal, sin laga afo e famoso dessertnan. Y pa solamente un tempo limita, tin un seleccion adicional di platonan suculento. T.G.I. Friday's Aruba ta introduci su 'Festival of Pasta', un menu consistiendo di seleccion exkisito di cuminda basa riba e tipo di pasta mas gusta manera linguini, fettucini, rigattoni y farfalle. Si bo ta gusta pasta, awor ta e momento pa celebra durante e promocion 'Festival of Pasta' di T.G.I. Friday's Aruba. Bin y deleita bo paladar cu algun di e recetanan mas dushi, traha cu ingredientenan fresco. E menu aki ta obtenibel tur dia despues di 6'or di atardi y ta prepara na e momento cu bo pidi dor di nos chef. “E platonan di pasta ta un festival pa tur sinti. Traha cu ingredientenan asina fresco y delicioso, cu bo lo kier purba cada un riba e menu; y despues ripiti nan tambe,” asina Tony Bonilla, gerente di T.G.I. Friday's Aruba a comenta. Purba e Spicy Seafood Linguini, e Garlic Chicken Primavera of e Wild Mushroom Farfalle. Pa completa e experiencia di e festival, pidi como dessert e Cappucino Cream Cake cu ta simplemente suculento. T.G.I Friday's Aruba ta ofrece bo e miho experiencia paso aki “tur dia ta diabierna” pesey nos ta invita bo pa pasa y disfruta di esaki y otro promocionnan como por ehempel e Daily Happy Hour di dialuna pa diabierna entre 5'or y 7'or di atardi of nos Kids Eat Free riba diadomingo. Nos ta recorda bo tambe riba nos ora di parkeo gratis, free one time refill di refresco y tambe WiFi gratis cu bo consumo. T.G.I. Friday's Aruba ya tin shete aña sirbiendo e pueblo di Aruba. E restaurant situa den Paseo Herencia Mall ta ricibi tur dia di siman turista y localnan buscando un luga agradabel pa come y comparti bon momento cu bon amigonan. T.G.I. Friday's Aruba ta habri di dialuna pa diabierna, for di 12'or di merdia pa 11'or di anochi y riba diasabra y diadomingo te 12'or di anochi. Bishita nos website na www.tgifridays-aruba.com. Like nos pagina di Facebook, of sigui nos riba Twitter.