| Minister Sevinger evaluando decision di OM pa no persigui Wever |
 |
 |
| Friday, 14 September 2012 21:38 |
|
Minister Benny Sevinger den un declaracion duna ta bisa cu e no tabata sa cu Ministerio Publico a mande un carta, ta te ora cu el a tende di esaki el a bay busca y a haya copia. E carta aki ta relaciona cu un denuncia cu e mandatario a haci na OM pa e rol di e político Booshi Wever den e asunto di proyecto di dump. Minister Sevinger a splica cu for di tempo cu AVP tabata den oposicion y Booshi Wever tabata Minister di Medio Ambiente, a expresa na diferente ocasión cu e tabata cumprando un aparato cu no ta solucionando e problema di Aruba. Ademas tabatin carta di un compañía ta bisa cu e tabatin un contracto caba prome cu e destaho publico a tuma luga. Despues ta resulta cu e mesun compañía aki a haya contract y riba dje a bin haya sa cual ta e Oficina di Abogado cu ta representa e ganado di e destaho cu a ricibi directamente a ricibi e pago di e suma di 3 miyon florin, lesando tur documento y conseho di instancianan cu ta bisa cu ta viola regla di contabilidad, por haci dos cos como Minister. Sea ta pone tur e documentonan aki un banda, y si mayan bini un investigación e Minister tambe lo ta responsabel hunto cu e ex mandatario. Esaki pasobra a mira cosnan cu no ta corecto y no a haci un denuncia. Of ta haci denuncia, y laga OM haci su trabou. Gobierno a scoge pa e di dos opción, a entrega tur documento cu tin y a haci un denuncia pa mira si tin hechonan penal a wordo cometi. Y si esey ta e caso, cu Wever mester para responsabel pa esaki. Minister Sevinger a bisa cu lesando e carta, e por conclui dos cos. E diferente rapportnan cu a wordo traha no ta bisa Minister Wever a comete un hecho castigabel, pasobra un rapport nunca lo bisa esey. E rapportnan ta papia riba e proceso y e choice cu Minister tabata haci e momento ey pa scohe Bauldwin & Lawson. OM ta bisa cu den e rapportnan e no ta mira hechonan castigabel cometi. Pero e ta bisa si cu den cartanan fecha 10 di maart, 2005, carta di Juridische Zaken, diferente biaha nan ta bisa sr. Wever cu e ta cometiendo hechonan castigabel y ta menciona diferente articulonan di ley di contabilidad riba cual nan ta basa nan mes. Ta papia di articulo 14 te cu 22, djei 22 te cu 25, 26 y posiblemente articulo 28. E departamento a bisa cu lo por wordo persigui si viola e articulonan aki. A raíz di e carta aki Minister a bay traha un Decreto Ministerial, dunando e minister poderacion pa sigui actua y otorga e contracto na B&L. E ultimo aki ta loke a haci cu e carta di Juridische Zaken no tabatin validez mas y no por persigui Wever penalmente. E mandatario ta enfatisa cu e diferente rapportnan ta bisa cu B&L no tabata e miho choice cu a wordo tuma. Pues AVP a haya razón den loke nan a bin ta bisando pa hopi aña. Pues no por persigui Wever penalmente, pero si den un caso civil cu lo por cuminsa contra dje. Minister Sevinger a bisa cu e ta evaluando si e lo apela e decisión y si lo cuminsa un caso civil contra Wever. Tambe e ta bisa cu por conclui dos cos. Cu su persona como Minister a haci su trabo upa haci e denuncia, y e choice di Wever den caso di B&L no tabata esun miho. Pero e ta duna país Aruba mas caminda pa cana. E compañía escogi sin embargo no a resolve tur problema di sushi na Aruba, manera a wordo priminti. Comentarionan (7)Mustra/Kita comentarionan ...
Lo ta un bofta den cara di pueblo si no ta sigui persigi e ex-mandatario pa tur e miyonnan di puebl cu a wordo malgasta. E mester por wordo poni responsabel pa su actonan cu a costa pueblo miyones y sin tin un solucion pa e problema di dump.
,
September 15, 2012
...
un bofta den pueblo ta ora nan a sentecia avp su minister nan pa curupcion anto e laga paga solamente un boet siendo eynan si sentencia a cay ...tanten nan keda husa hues pa witch hunt nunca nos lo haja husticia di victoria di berdad
,
September 15, 2012
...
Minister di KAPITAALVERNIETIGING Sevinger, ta purba di CONVENCE opinion PUBLIKO di su partido y e poco miembronan cu nan tin ainda, cu e No sa mes cu OM a mand'e un carta OFICIAL na unda OM ta bis'e, cu no tin NINGUN MOTIBO VALIDO pa persigui Parlamentario Wever. Henter PUEBLO sa, cu e Proyecto na Parkietenbos, cu cambio di GOBIERNO na 2009, a worde BOYCOTEA pa Minister Sevinger. Prueba cu e a BOYCOTEA e proyecto ta asina BISTO, mirando e rapportnan di B&L, cu Sevinger No a CUMPLI cu e minimo di e contract, pa e proyecto por ta EXITOSO, ya cu e mes ta declara prome cu e ortogamento di e Proyecto, sin tin un idea di INGIENERIA, y e Proceso pa traha e producto final cu ta FLUFF, cu e tabata contra. Ta TAREA PRINCIPAL di e GOBIERNO nobo na 2013, pa pone den man di OM e manera con a BOYCOTEA e proyecto, y pone Minister Sevinger personalmente responsabel..
,
September 15, 2012
...
Min.Sevinger lo sigui mes un rumbo cu su maestro Min.Watty Vos a bay den e otro "Cabinet EMAN",cuidao cu awor si e "Famoso BUS" lo bin for di Hullanda,CDA no tey mas!!!!!!!!
 
,
September 15, 2012
...
E cos aki di riool ni a worry di busca e 'sentencia'. Awor pa campanja el a bay 'santana' pa busca carpachi berde. Ban spera cu CDA NO bin mas pa caba cu e partido satelite berde akinan.
,
September 15, 2012
Duna Comentario y/of Comparti riba Social Medi |
Mustra/Kita e formulario di comentario
