Djabièrnè atardi gobernadó di Kòrsou, mr. F.M. d.I.S Goedgedrag a risibí di señor A.A. Godett moshonnan di deskonfiansa kontra di e ministernan demishonario di gabinete Schotte, manera nan a keda aseptá pa 11 miembro di Staten di Kòrsou durante un reunion fechá 13 di sèptèmber 2012.

E miembronan aki di Staten ta supliká Gobernadó di Kòrsou pa efektuá bahamentu di e ministernan inmediatamente, ku eksepshon di señor H.F. Koeiman, ministro di Desaroyo Sosial, di Trabou i di Bienestar i di señor C.A. Trinidad, ministro di Bestür, di Planifikashon i di Servisio. E 11 miembro di Staten ta supliká Gobernadó di Kòrsou pa aplasá retiru di e dos ministronan menshoná te ora kaba ku nan deseo pa forma un gabinete interino. Tambe nan ta supliká Gobernadó di Kòrsou pa nombra un formadó pa por yega na un gabinete interino te dia ku un gabinete nobo sinta, komo konsekuensia di e resultado di elekshon di 19 di òktober 2012. Gobernador a manda e moshonnan pa Promé Minister di Kòrsou, Sr. Gerrit Schotte. Den kuadro di e petishon aki, Gobernadó di Kòrsou lo orientá su mes riba e situashon ku a desaroyá medio di kòmbersashonnan. A hiba kòmbersashonnan for di djabièrnè mes ku visepresidente di Raad van Advies, señor C.M. Grüning, señor I. Asjes, señor D. Rozier, lidernan di frakshon i Promé Minister, señor G.F. Schotte.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi