| Minister Oduber a reni cu representantenan di trahadornan di Valero |
 |
 |
| Sunday, 16 September 2012 16:51 | |||||||||||||||
|
Durante e reunion aki e mandatario a duna un relato na e representantenan di trahadornan di Valero riba e reunionnan cu Promer Minister, e mes y tambe e comision instala pa atende e situacion di Valero a sostene cu diferente instancia den nos comunidad. Manera ta conoci siman pasa tabatin un serie di reunionnan pa mira e diferente alternativanan pa e alrededor di 500 trahador di Valero cu no lo continua cu trabou na e refineria despues cu esaki pasa over pa transshipment. Asina a reuni cu asociacion di banconan, empresanan sui generis di Gobierno, NVnan di Gobierno y cu empresanan priva den nos comunidad. E mandatario a expresa na IOUWA y tambe na e abogadonan presente durante e reunion cu e reunionnan aki a bay hopi bon y cu tin un perspectiva positivo pa e trahadornan. Banconan comercial a mustra cu ya nan tin un plan pa atende cu nan clientenan cu ta traha cu Valero caminda ta presente diferente posibilidadnan pa yudanan den e periodo nan dilanti. Akinan ta papia di entre otro elimina e boete clausule den caso cu nan lo kier paga nan hypotheek completo, diferente posibilidadnan pa loke ta trata nan prestamonan, posibilidad pa yudanan habri nan propio negoshi y tambe e posibilidad pa drenta den servicio laboral cu e entidad bancario tambe. Pa loke ta trata e diferente companianan cu cual a reuni, hopi di nan a mustra interes pa tuma trahadornanan di e refineria den servicio, ya cu nan ta considera cu nan lo por contribui na desaroyo di nan compania, mirando e nivel di experticio cu e tahadornan aki ta conta cune. E reunion a bay den un bon ambiente y ta mira e desaroyonan cu positivismo.
Comentarionan (3)Mustra/Kita comentarionan ...
Cu trahadornan di Valero mester a prepara nan mes 2 anja pasa caba ta un hecho. Otro hecho ta cu gobierno a ganja varios biaha riba e desaroyo 'positivo' di e deal cu Petro China. Mester waak si por pone e mandatarionan aansprakelijk pa misleiding y demanda nan. Mester investiga detayademente e proceso cu supuestamente a tuma lugar durante e negociacion, mester puntra Valero y Petro China ki dia nan a bisa cu nan tbt serca di sera un deal. Mester trece tur e mentiranan di e gobierno aki den claridad.
,
September 16, 2012
...
Mi ta kere cu Mr. Oduber ta tratando su best. Ban spera cu e tin resultadonan positivo pa e extrahadornan di Valero.
,
September 17, 2012
...
Ripara no tin nada mas di tocante di VALERo den medio nan...dicon ta esei ta e stragedia y prensa tambe no ta un breek ijzer nos ta hanja nos prensa mester tin mas actie y push den e caso aki.Als Si Mohamed no ta bai na e seru e seru ta bai na Mohamen ...paso e asunto di Valero no a caba ainda,tin hopi gelul pero poco soluciona pa e trahadornan.Mi no ta un politico pero mi kier pa nos hende nan sinti nan den un bon caminda y soluciona..stop di pone e accent awor aki riba otro cosnn no desvia e pober trahador of e pueblo...
,
September 17, 2012
Duna Comentario y/of Comparti riba Social Medi |
Mustra/Kita e formulario di comentario
