Minister di Salubridad y Deporte, dr. Richard Visser a reuni e siman aki cu e District Administrator Little League, Sr. Rudhi Donata, kende a wordo eligi recientemente pa tuma e posicion aki. E tarea di un district administrator ta basicamente pa funciona como un liaison efectivo entre Little League Headquarters y e liganan nacional.

Sr. Jesus “Chu” Halabi di e comision tecnico local y Sra. Veroushka Croes di e comision di subsidio tambe tabata presente y hunto cu e mandatario y Sr. Donata a intercambia di idea y combersa tocante plannan cu Minister Visser lo kier wak realisa pa Little League Aruba. Minister Visser a enfatisa cu e kier pa e District Administrator brinda tur sosten na nos teamnan ora cu nan bay representa Aruba na competencianan manera Latino Americano y World Series. Ademas el a subraya cu e ta desea pa e administrador di districto para fuerte contra tur inhusticia cu por wordo cometi, por ehempel loke a pasa den e caso ora Aruba a representa Latino America na Michigan. Minister Visser ta sumamente contento cu e desaroyo di Little League Baseball na Aruba. E kier wak e deporte sigui un desaroyo fuerte y consistente y esaki ta rekeri e apoyo y sosten di tur hende envolvi den e deporte, tanto di e dirigentenan, mayornan y naturalmente di e district administrator. E combersacion a bay den bon ambiente y e titular di deporte a felicita Sr. Donata y desee tur clase di exito cu su tarea nobo.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi