| Minister Michelle Winklaar ta anuncia e prome “International Franchise Expo” |
 |
 |
| Sunday, 16 September 2012 19:46 | |||||||||
|
E reunionnan a cuminsa desde algun luna pasa caba na New York na cual e organisadonan a mustra interes pa bin Aruba cu un exposicion asina, den un esfuerso di Gobierno pa promove mas oportunidad pa empresarionan local. "International Franchise Expo" ta un oportunidad unico pa companianan conoci como "Franchise" di mas popular di Merca ta expone nan mes buscando interesado pa habri negoshi y traha hunto. Mayoria negoshi na Aruba ta chikito of mediano y como tal e tipo di oportunidadnan asina aki ta ideal pa nos hendenan. Hopi di e negoshinan aki no ta rekeri mucho inversion pero si ta conoci pa ta haci ganashi grandi. Durante ta Vice Presidente di International Franchise Association y ta encarga cu iniciativanan strategico y relacion di e industria. El a sigura cu nan constantemente ta den busca di oportunidadnan nobo. Asina e asociacion a tene misionnan pa Panama, Colombia y Chile. Minister Michelle Hooyboer-Winklaar a enfatisa masha riba e bentahanan cu Aruba tin pa ofrece, no solamente pa tene un exposicion riba nos isla, sino tambe pa habri e tipo di negoshinan "franchise". Nos isla ta conta cu 100 mil habitante pero ta conta cu riba 1.5 miyon turista pa aña di cual mayoria ta procedente di Merca. Tambe a splica di un cantidad di companianan "franchise" cu nos tin caba riba nos isla, tanto den area di cuminda, bebida, paña, y asina lo por sigui menciona. A papia cu e directiva di e asociacion y ta mustra cu comienso di otro aña lo por tene e prome exposicion di “Franchise” aki na Aruba, cu un cantidad di mas o menos 25 “Franchisors”. Lo trece mas informacion tocante di "franchising" durante e Small Business Week na November proximo. Tambe lo tin un orador special cu lo papia riba e tema aki. Den e siguiente simannan lo sigui reuni entre e organisadonan di e "International Franchise Expo" hunto cu representantenan di Ministerio di Economia pa mira con ta concretisa e evento pa nos isla. Sin duda e lo ta un oportunidad hopi grandi pa nos propio comerciantenan, y esunnan cu kisas ainda no tin negoshi, pero ta interesa pa habri nan propio negoshi.
Comentarionan (3)Mustra/Kita comentarionan ...
Ta expo, seminar, dialo-lo, conference, town hol meeting, ciclovia, master classs, simposio, certification program y hopi mas di e smoke screens di gobierno pa sconde nan INCAPACIDAD nan IMPOTENCIA pa maneha nos Pais di un manera drechi. Foi 3 anja pasa e shownan aki ta tuma lugar pero te awe situacion na Aruba a bira pio y servicio n'e cliente ta pesimo y obesidad a yega un nivel inaceptabel paso Pueblo NO ta feliz y hende den tristeza ta come pa release stress. Tanten e maneho fatal berde sigui, mas calamidad lo pasa na Aruba. E parti tristo ta, pa ken nos lo vota september otro anja? Geel a faya, berde a faya y hiba nos debe Nacional na un extremo hamas bisto. Kiko e liars park y e tram ta haci pa bienestar di bo y di bo familia? Exactamente, net net NADA! Mas cu 120 miyon entre e dos proyectonan aki cu a yuda companian stranhero, cu no tbt existi na Aruba, sobrevivi pero companianan Arubiano mester a dal bancarota y retira personal ARUBIANO.
,
September 17, 2012
Duna Comentario y/of Comparti riba Social Medi |
Mustra/Kita e formulario di comentario
