|
FAVI a introduci foyetonan nobo pa e comunidad di Aruba |
 |
 |
|
Thursday, 20 September 2012 22:57 |
|
FAVI a introduci un serie di foyetonan nobo . E foyetonan a wordo traha den cuadro di plan relacionan publico. Esaki ta un plan completo na unda cu FAVI kier pone hopi enfasis ariba e informacion cu e ta duna nos comunidad di Aruba en general.
Specificamente pa e personanan cu limitacion di bista, e famia y tambe na e otro disciplina nan den nos comunidad. Mirando cu ainda tin personanan den nos comunidad cu ainda no ta probechando di e servicionan di FAVI, ainda mas FAVI ta kere cu mester optimalisa di dunamento di informacion pa esaki por yega na e personanan cu mas tin mester di dje. Censo 2010 a informa cu tin 3105 persona cu tin un of otro limitacion di bista. FAVI ta dunando servicio na aproximadamente 250. E cantidad aki mester ta mucho mas mirando e crecemento den e cantidad di e personanan segun e resultado di Censo 2010. FAVI ta kere cu ainda tin personanan den nos comunidad cu no ta completamente informa di e servicionan cu FAVI ta ofrece y p’esey FAVI ta spera cu pa medio di su foyetonan noboe comunidad lo haya ainda mas informacion necesario tocante di su servicionan. Cada un di e trahadonan di FAVI cu ta traha directamente cu e clientenan a duna un splicacion corto di cada foyeto. FAVI a introduci su foyeto general, foyeto 0-6 aña. Foyeto 7-19 aña, foyeto 20+, foyeto medio auxilia, foyeto informacion pa e maestro nan di scol , foyeto doño di trabou y e foyeto informacion pa e persona cu ta referi un persona pa FAVI. E foyetonan den curso di e simannan cu ta bin lo wordo distribui na diferente docternan di bista, docternan di cas, y otro instancianan y luganan di trabou cu tambe ta desea esaki. Cualkier instancia cu ta interesa di ricibi e foyetonan, semper por yama FAVI pa esakinan wordo entrega nan bo adres. FAVI kier a gradici Samenwerkende Fondsen y CEDE Aruba cu a duna nan sosten pa cu e realisacion di e PR-Plan y alabes kier a gradici e team completo di FAVI pa nan input y tambe Sra. Mieke de Droog cu a inicia e proyecto tan importante aki.
 |
Mustra/Kita e formulario di comentario
