| Artista Joseph C Portelli cu Single: ‘How the Times Have Changed’, como donación na Fundacionan di Alzheimer |
 |
 |
| Friday, 21 September 2012 08:34 |
 Como apoyo na tur esnan den e lucha contra stigmatisacion y e Malesa Tipo Alzheimer (MTA) riba dia Mundial di Alzheimer 21 di September, comerciante, compositor di musica y activista contra e Malesa Tipo Alzheimer (MTA), Joseph C. Portelli, alias ‘Jay P’, a compone un single especialmente pa comparti su propio experiencia traumatico cu e ta pasando aden.
E experiencia aki e ta describi con doloroso ta di wak con su tata ta ser consumi pa e malesa aki – un experiencia unda e ta expresa: “ningun persona mester pasa aden, pero ta inevitabel cu e mester pasa aden” ‘Jay P’ ta sigi bisa; “Esaki ta un malesa cu ta apodera di un persona cu tabata gosa di un salud fibrante y cu ta cambia su mente den un papa of cereal”. Jay P. a compromete su mes pa haci un diferencia den e lucha contra Malesanan Tipo Alzheimer y e stiga reinante rondo di e malesa aki. E ta decidido pa forma un movemento pa forsa gobiernonan mundial duna prioridad na e malesanan aki y declara guera contra MTA y su consecuensianan. E ta decidido pa bay guera y lucha cu tur esnan cu ta luchando y ta biba cu e malesa cu ta demoralisa un persona. E ta sigi bisa: “ ta duro pa kere cu un malesa di tipo Alzheimer a costa mundo henter na 2010 e suma di no menos cu 604 biyon di dolar Americano; un suma cu ta comparabel cu e suma cu “Walmart” y “Exxon” hunto a gana e aña ey”. Sigun Jay P., hopi persona di 30-aña awe lo bira victima di MTA den futuro sercano. E ta sigi bisa cu su meta ta pa gobiernonan duna prioridad na e Malesa aki y su consecuensianan pa famia y cuidadornan inverti den investigacion y apoya servicionan apropia di tal forma cu e hobennan di awe no mester pasa den cual su famia y e mes ta pasando aden. Jay P. no ta un personahe disconoci cu ta boga contra di MTA y e impacto di su single ‘How the Times Have Changed’. Jay P. ta un embahador di Alzheimer Disease International (ADI) y ta biaha rond mundo y a actua pa dignitarionan manera princesa Yasmin-Aga Khan, jiu muher di e legendario di pantaya di Holywood Rita Hayworth cu tambe a sufri di MTA, na e casa di defunto Sir Edmund Hillary, esta Lady Jane Hillary y President Maltesa George Abela. Su cancion ‘How the Times Have Changed’, awor a ser proclama e himno internacional di Malesa Tipo Alzheimer y ta dedica na tur esnan cu ta den e lucha contra e MTA y su consequensianan. E cancion aki ta riba mercado for di dia 3 di september ultimo. Na Aruba por download e cancion ( itune) aki pa solamente $1.99 online. Pa cada download di e itunes aki na Aruba 75% di e entrada lo ta destina pa Fundacion Alzheimer Aruba (FAA) su trabou den nos comunidad. E website pa scucha y baha e video y e itunes: ‘How the Times Have Changed’ ta: http://josephportelli. Bin join FAA den e caminata di Alzheimer Teal Ribbon Week : “Walk and Jog Against Stigma” diasabra 22 di september. Inscripcion ta cuminsa 4:00 p.m. na parkinglot di Stadion Guillermo Prospero Trinidad na Avenida Milio Croes, Dakota. Pa mas informacion encuanto e single aki por tuma contacto cu FAA tel 5821684
|
Mustra/Kita e formulario di comentario
