Durante su bishita na Hulanda, Prome Minister Mike Eman a logra un reunion tambe cu Jeroen Dijselbloem, kende ta líder interino di e fraccion di partido Partij van de Arbeid di Hulanda cu a logra resultadonan sumamente positivo den e ultimo eleccion Parlamentario.

E partido ta den proceso pa forma Gobierno tambe. Jeroen Dijselbloem a splica cu den e reunion el a tende di tur e desaroyonan interesante y positivo cu ta tumando luga na Aruba, a papia di energía duradero, e economía y turismo. Pero principalmente a discuti e oportunidadnan cu lo por surgi pa cooperacion cu e Gobierno nobo di Hulanda. A papia di e relación nobo cu a surgi recientemente di e paisnan den Reino cu lo mester bay traha pa duna nan forma. E ta kere cu lo por bay coopera pa reforsa e calidad di gobernación y di cooperacion. “Mi ta kere cu tin un bon periodo ta spera nos awor.” Pa loke ta formación di e Gobierno nobo di Hulanda, Dijselbloem a bisa cu ta bay trata di forma un coalición cu VVD, cu ta e dos partidonan cu a gana ampliamente den e eleccion reciente. Di e manera aki ta logra forma un Gobierno stabiel pa un termino mas largo. E ta nifica tambe cu por crea un bon laso di cooperacion den Reino pa periodo mas largo enbes di cambionan cada biaha.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi