| Premier Eman: PvdA cu hopi interes den maneho di gobierno pa inverti den calidad di producto Aruba |
 |
 |
| Friday, 21 September 2012 23:08 | ||||||
|
Un reunion interesante y informativo tabata e encuentro cu Prome Minister di Aruba tabatin cu e lider interino di Partij van de Arbeid Jeroen Dijselbloem, kende a yega di bishita e isla caba den pasado como Parlamentario. “Pa e motibo aki e tin un interés particular pa Aruba y e tin un recuerdo di e isla.” Premier Eman den e reunion aki y otronan cu el a participa den dje, el a sinti cu Hulanda ta siguiendo cu hopi interés e maneho pa inverti den calidad di e producto Aruba. Den e caso di Dijselbloem e ta corda cu durante un bishita cu el a realisa cinco aña pasa na e isla, el a nota un centro di ciudad hopi decai y tabata masha interesa pa sa desaroyo di renobacion di centro. Na Hulanda, Eman ta bisa, nan ta mira cu hopi simpatía cu a renobacion no solamente e centro pero tambe e barionan. Nan mes ta haya revistanan di Aruba caminda por lesa di tur e avancenan cu tin y ta mira esaki cu hopi interes ya cu nan ta mire como un inversion den calidad di bida di e ciudadanonan. Den e reunion, segun Eman, a papia tambe di e pensioen general cu Gabinete Mike Eman a introduci a base di un acuerdo di Dialogo Social, reparatie-toeslag. E tipo di iniciativanan aki ta wordo hopi aprecia y admira di un partido di pensamento social manera PvdA, pasobra ta enfoca pa e desaroyo economico ta wordo reparti di un forma husto. “E tipo di iniciativa cu nos Gobierno a tuma pa garantisa un desaroyo social mas husto den nos pais, y e trabounan cu nos ta haciendo pa mehora e calidad di producto pais Aruba, ta resaltando na Hulanda, y sigur cerca un partido manera PvdA. E hecho cu nos a haci tur esaki den un Dialogo Social, cu tur representantenan di gremio sindical y comercial, ta temanan cu na Hulanda ta mira cu asombro, pasobra algun di nan no a logra cana dje bon ey na Hulanda y hopi nan no a spera cu lo a logra e contenido cu Gobierno ta dunando na esaki.” Premier Eman a agrega cu ora e haci tipo di bishitanan asina y haya e comentarionan, e ta sali reinforsa den e conviccion cu Aruba ta riba e bon caminda, y cu otronan ta mira cu hopi admiracion y apoyo pa sigui e direccion aki. Maneho riba energia duradero ta algo cu PvdA tambe ta kere masha hopi den dje. Premier Eman a conta cu den pasado e tabatin un combersacion hopi largo cu sr. Diederik Samson, kende tabata cu Green Peace, y tin admiracion pa e decisionnan cu a tuma riba e tema di energia alternativo. E temanan aki ta haya hopi atencion cerca organisacionnan cu tin e temanan di energia duradero, reparticion husto pa comunidad riba nan agenda.
Comentarionan (3)Mustra/Kita comentarionan ...
Awor cu CDA, partido amigo di AVP a perde drasticamente, ta frij cu PvdA? Mike, stop di ganja pueblo di Aruba, Hulanda mes ta den problemanan grandi. Hopi trahador ta perdiendo nan trabow, e BTW (BBO) per 1-10-2012 lo subi na 21 %. Otro aña e eigen risico pa zorg lo subi na €350,-. Salarionan ta riba nullijn, kiermen cu no tin adaptacion na inflacion ni hisamento di salario. Pensioennan lo wordu baha, huur di cas y gasolin lo subi barbaramente. Ta con Hulanda lo yuda Aruba anto?>
,
September 22, 2012
Duna Comentario y/of Comparti riba Social Medi |
Mustra/Kita e formulario di comentario
