| Jurgen Raymann ta encanta y kier ta activo na Aruba |
 |
 |
| Saturday, 22 September 2012 07:45 |
|
E kier bira un embahador di turismo pa nos isla y yuda atrae turistanan for di mercadonan Hulandes Europeo. Tambe e tin pensa di usa Aruba como base pa bai organiza cursonan y duna charlanan pa motiva hendenan. Na Merca esaki ta masha conoci y motivational speakers ta algo cu na Aruba nos sa haya di exterior caba. Algo asina ta pas tambe den e maneho di Gabinete Mike Eman den cual e kier envolvi henter e comunidad den progreso di e pais caminda hendenan ta sinti nan mes parti di e maneho pa hiba e pais dilanti. Tambe Jurgen Raymann tin interes di duna curso na empresanan priva y empleadonan publico unda a base di presentacion humoristico ta motiva hende pa kere den nan mes y enfoka riba nan metanan pa logra exito pa nan mes y propio desaroyo. E ideanan ta bastante cerca e artista unda te hasta kier trece artistanan di exterior combina cu local. Un persona asina tin un netwerk hopi grandi cu por trece gruponan di otro sociedad pa bin Aruba. E ta unico representante pafor di Merca cu tin e autoridad pa entrega e Martin Luther King Award. Esaki ta pa reconoce hendenan cu ta biba segun e principionan di Martin Luther King. Na Aruba por fit un reconocimento asina den e comunidad basa riba pas y no descriminacion, tolerancia y multi culturalidad. A keda palabra cu prome cu fin di anja e lo bishita Aruba pa elabora riba e puntonan aki pa planea con ta bai ehecuta e proyectonan aki. Asina mes a puntre dikon net Aruba y no otro islanan den e area? Segun Jurgen Raymann e intencion tabata na prome instante di bai Curacao pero mirando e nivel di criminalidad y desaroyonan negativo tin na e isla el a escoge y cambia di idea. Aruba unda el a bishita dos biaha ultimo anja a conduci na e cambio di decisiona aki.
|
Mustra/Kita e formulario di comentario
