|
Prensa di Colombia & Venezuela di bishita pa e Caribbean Sea Jazz Festival 2012 |
 |
 |
|
Monday, 08 October 2012 11:31 |
|
Recientemente tabata di bishita na Aruba invita door di Aruba Tourism Authority Sr. Luis Raul Montell di Radio emisora di Carcaras Venezuela y tambe Sr. Yamid Ahmad di Bogota Colombia pa cubri nos Caribbean Sea Jazz Festival 2012 y alabez promociona Aruba durante nan estadia.
Sr. Ricardo Croes di ATA a keda encarga cu e grupo aki y tambe a coordina un super programa pa nan durante nan estadia na Aruba hospedando na Divi Links Golf Resort. Cada prensa ariba su mes tabata personaje nan clave pa loke ta trata e mundo di Jazz den diferente generacion.E preguntanan lanza pa e artistanan durante rueda di prensa ta mustra bon kla cu e compositor nan di balada nan romantico ta hopi limita, mientras cu e salsero nan a keda mantene nan popularidad. E prensa di Colombia Sr. Yamid ta di promer biaha na Aruba y a keda hopi sorprendi di e mentalidad y e nivel di bida na Aruba y tambe a nota con avanza nos isla ta den e parti di Turismo. Despues di a disfruta di un island tour extensivo cortesia di ATA, cu Sr. Croes di ATA, Sr. Yamid a keda asombra di e casnan na Aruba cu no tin trali na nos bentana nan y con safe nos isla ta. Ariba e potretnan por aprecia Sr. croes & Raysa Ashby di ATA junto cu e prensa nan na Mulligans na Divi Links y tambe na Papiamento restaurant, The Old Fisherman y tambe durante nan island tour.
 |
Mustra/Kita e formulario di comentario
