| Agentenan di biahe di USA y Canada na Aruba |
 |
 |
| Monday, 22 October 2012 11:42 | ||||||
 Recientemente Aruba Tourism Authority a invita un grupo di agente di biahe di USA y Canada pa conoce nos dushi isla. E programa a wordo coordina pa Jasmine Maduro, representante di Aruba Tourism Authority.
E agentenan ta specialisa ariba Wedding Destination y asina nan a haja un programa cu ta focus ariba Wedding. Nan a haya e oportunidad pa conoce diferente hotel y interview diferente Weddings Coordinator, nan a haci un jeep tour cu De Palm Tours cu un lunch na De Palm Island, un sailing trip cu Red Sail Sport y tambe nan a bisita baby Beach y sin falta un recorido cu Limo. Tur e agentenan tabata pa prome biaha na Aruba y nan a keda hopi asombra pa loke Aruba por ofrece pa honeymoon y weddings, especialmente e seguridad y amabelidad cu Aruba ta ofrece na bishitantenan. Pa e agentenan aki Aruba ta un país cu por wordo bendi hopi fácil compra cu Cancun y Punta Cana. Aruba Tourism Authority kier a gradici tur e hotel nan cu a participa, Bucuti, Westin, Divi All Inclusive, Occidental, Holiday Inn, Riu Palace, Radisson, Renaissance, Hyatt, De Palm Tours, Red Sail Sport, Limo Service, El Farro Blanco, ZeeRover y especialmente Amsterdam Manor unda cu nan a hospeda y Fofoti Tours cu tabata nan transporte na Aruba.
|
Mustra/Kita e formulario di comentario
