Susan Werleman, di Congoweg, tabata masha contento cu Aruba tin un Prome Minister cu tin e pueblo den su curason. E ta bisa esaki basa riba e bishita cu e Prome Mandatario a realisa diahuebs ultimo den e area unda e ta biba pa scucha nan preocupacionnan y informa nan kico Gabinete Mike Eman ta haciendo pa mehora calidad di bida di ciudadanonan di Aruba.

Durante su bishita den bario di Weg Rooi Congo y Congoweg, Eman a pasa na cas di diferente habitante pa scucha nan, manera un lider semper ta haci. Na e diferente casnan cu e mandatario a pasa, por a scucha e mesun preocupacion cu tabatin den otro barionan di Aruba, asfalt pa e areanan caminda tin hopi stof ta lanta pero mas cu tur cos, miho iluminacion pa brinda nan mas siguridad. Hustamente miho iluminacion di barionan, Prome Minister Eman a splica e habitantenan y tambe sra. Werleman, cu esaki ta un di e principal puntonan den maneho di barionan cu Gobierno ta hibando. “Mi ta comparti boso preocupacion, ta p'esey iluminacion di barionan tin un prioridad den nos maneho pa cu e barionan. Den algun bario manera Juwana Morto, de Vuyst y Village nos a instala of ta instalando rond di 700 punto nobo di iluminacion,” Premier Eman a bisa. Sra. Werleman a combersa extensamente cu Prome Minister tocante diferente di e retonan cu tin den nan bario. El a splica Prome Minister cu e ta un bario dushi pa biba aden, pero nan tin molester di sushi y e yerba seco cu tin rond di scol. E ta añadi cu tin biaha ta haci mal uzo di e sushi aki, pegando e na candela y e ta kere cu asfaltando e area rond di scol, por evita e tipo problemanan aki. Apesar di diferente punto di atencion e habitantenan di e bario cu a haya bishita diahuebs ultimo, tabata masha contento di por a mira Prome Minister Eman den nan bario y scuchando nan. “Mi ta contento cu Prome Minister tin e pueblo den su curason. E ta pasa pa drecha nos barionan, cu .e.o. limpiesa, cu nos ta aprecia masha hopi,” sra. Werleman a indica. E bishita a finalisa cu un encuentro na cas di famia Maduro, kendenan tabatin un sorpresa prepara pa e Prome Mandatario ora cu e clientenan di Funari a dun’e un serenata di diferente canticanan di Pasco.

Comentarionan (2)

Mustra/Kita comentarionan

...

Min por kereeer,,, awakati awakati..... Geel di paden, berde di pafo hahahaha

DikonBoKierSa , December 10, 2012

• 
• +5
• 
• 

...

Anto den ora di trabow nos MinPres ta core campanja. Hopi bon ehempel.

asina mes , December 11, 2012

• 
• +3
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi