Friday, 25 April 2014
Minister Michelle Hooyboer-Winklaar: E weso di lomba di nos economia ta keda negoshinan chikito y mediano Print E-mail
Monday, 10 December 2012 20:25

michelle eco

E economia di Aruba ta depende di negoshinan chikito y mediano, nan ta e weso di lomba di nos economia, Minister di Economia, Michelle Hooyboer-Winklaar ta subraya. Cifranan ta mustra cu e contribucion di negoshinan chikito y mediano na e GDP (Producto Domestico Bruto) di Aruba ta entre 60% pa 70% y un 94% di e total di negoshinan registra na Aruba ta cay den e categorianan aki.

E cifranan aki ta importante pa tene na cuenta y tur apoyo cu un negoshi chikito por haya pa bira y sigui exitoso ta un contribucion mas cu ta bay directamente den e economia di nos isla. Estadistica ta mustra cu 60% di e totalidad di negoshi estableci na Aruba tin 4 empleado of menos. Ta wordo calcula cu na aña 2011 e negoshinan chikito aki a contribui cu mas of menos tres biyon florin den nos economia. E tres biyon florin aki ta traduci su mes den alrededor di 30 mil florin pa cada persona bibando na Aruba, cual ta refleha claramente e importancia y influencia di e categoria di negoshinan aki den nos bida diario. Minister Hooyboer-Winklaar for di momento cu el a acepta e responsabilidad pa lidera e ministerio di economia di Aruba a cuminsa sondea formanan efectivo pa duna un extra sosten y yuda empresarionan di companianan chikito y mediano. Un di e factornan importante den esaki ta e calidad di negoshi, tanto den su propio administracion, como den producto y servicio na cliente. A cuminsa na institui "IDEA", un departamento pa duna apoyo directo na e negociante chikito, como tambe na e persona cu ta cuminsando of kier cuminsa su mesun negoshi. Aki, e (futuro) entrepreneur ta ricibi guia y informacion valioso, gratis, pa yud'e duna su idea forma, haci'e un realidad y fortifica su negoshi. Recientemente IDEA cohuntamente cu Ensejansa pa Empleo a lansa un curso yama Empresario Prepara cu ta duna e empresario of futuro empresario tur informacion necesario relaciona cu operacion di un negoshi. Na anja 2010 Minister Winklaar a institui un programa via AIB Bank, yama Small and Medium Enterprise Program, cu tambe ta duna guia na tanto esnan cu tin un negoshi existente of esnan cu kier cuminsa un negoshi. Aki ta trata un program intensivo cu ta guia e empresario den varios aspecto di preparacion of analisacion di un negoshi. E fee cu normalmente AIB Bank ta cobra pa servicio asina pa gran parti ta wordo subisdia door di Ministerio, y pa cliente cu bin na remarke ta cobra Afl 75 pa 2 ora di guia. Ademas, na 2011 Minister Hooyboer-Winklaar a lansa "Small Business Week", un evento anual cu na 2011 y 2012 a atrae mas di 600 hende, kende a participa na sesionnan di informacion, lectura y tayernan di importancia pa negoshinan micro, chikito y mediano.

Negoshi chikito y turismo

Sin duda, nos hotelnan - cual ta cay den e categoria di negoshi grandi, ta di suma importancia den e totalidad di nos industria turistico, cual ta e pilar di nos economia awendia. Ta bon pa nos realisa tambe cu negoshinan chikito ta hunga un rol inmensamente grandi den nos turismo y e experiencia unico di excelencia cu Aruba ta famoso p'e.

gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter