Monday, 22 December 2014
Jan van Nes: Mester inverti den mas camara di seguridad Print E-mail
Monday, 10 December 2012 22:43
Comparti

front

 

A combersa cu Sr. Jan van Nes gerente general di Playa Linda over di e atraco cu a tuma luga diabierna, cu a tuma luga net dilanti di Playa Linda. El’a comenta cu nan tin un parti mainta manera tur dia un boardwalk masha trankil, pero den oranan di anochi e ta bira algo hopi activo, caminda miles y miles di hende ta cana rond.

E ta algo reactivo, segun Sr. van Nes. El a sigui bisa cu el a keda bastante preocupa pasobra ta hopi famia ta cana ey y cu e poder di internet, den un paar di seconde e noticia particular aki a bira conoci na Merca. Como hotel no tin mucho cu por wordo haci, van Nes a sigui bisa. Si algo pasa na un Low Rise cu resultadonan negativo, e ta afecta tur caminda. Playa Linda a triplifica su budget durante e ultimo añanan. Nan ta invertiendo casi un miyon florin na seguridad so via camara, via security y extra securitiesnan riba dianan druk y tur esey pa percura pa e huesped y miembronan ta safe y cu nan ta sinti nan mes bon. Segun Sr. van Nes, tur den e area aki mester inverti, mester sinta na mesa pasobra tin miyones y miyones inverti den varios joyeria y otro negoshinan cu practicamente cu poco seguridad. Playa Linda tin 36 camara en total rond di e hotel cu ta vigila 24 ora pa dia. Tabata tin un plan antes pa henter e corridor cu tin camara tambe. Esey ta un plan cu ainda ta riba mesa y segun van Nes e mester wordo ehecuta mas pronto posibel conhuntamente cu presencia adicional di polis y security. Playa Linda tin camara pa varios aña caba y durante e ultimo aña a bay di 16 pa 36 camara. A añadi 20 camara mas den e areanan specifico cu antes tabata yamanan “blind spot” y ainda tin plan pa agrega un paar di camara mas den e areanan vooral di caya cu te awor aki no ta totalmente cubri. Ta papiando di inversionnan grandi. E ultimo aña a inverti 100 mil dollar na camara. Tin un area di Palm Beach cu antes tabata hopi trankil pero awor aki cu desaroyo di e mallsnan a bira uno hopi druk. Aki ta atrae hopi hende di cual kisas un porcentahe chikito ta malandro. Mester prepara toch pa por garantisa e siguridad y paz di e miembro y huespednan. Segun Sr. van Nes tabata tin hopi comunicacion entre e hotelnan via e-mail y tambe via AHATA. Sr. van Nes ta spera cu pronto nan por sinta na mesa. No lo bay gana nada di mustra dede, di culpa otro, pero e ta kere cu mester bin cu accion cu lo percura cu e tipo di cosnan aki por wordo evita lo maximo den futuro. Un tempo e hotelnan tabata pone fondo. Esaki a baha substancialmente. Aruba Hospitality & Security Foundation, den su dianan di gloria tabata tin comercio y hotelnan cu tabata contribui y tabata tin fondonan cu tabata surpasa 1 miyon florin. Awor aki tin mas of menos 400 mil dollar cu ta wordo poni como fondo, di cual Sr. van Ness ta haya cu no ta suficiente. Por ultimo, sr. van Nes a comenta cu tin un acercamento diferente cu Visibility Team awor aki, caminda tin menos seguridad, pero si mas polis. E ta bon, pero toch Sr. van Nes ta kere cu si tuma por ehempel Old San Juan na Puerto Rico, den e Tourism Corridor, por mira un polis motorisa y esey toch den e area aki no ta mira. Aunke tin mas polis cu a wordo poni den e Visibility Team, por bisa cu e presencia constante, vooral den oranan di anochi ta laga di desea.

gallery1 gallery1 gallery1
gallery1 gallery1  

Comentarionan (2)Add Comment
puro
December 11, 2012
201.229.40.36
Votes: -1
...

sinja nan Sr. van Ness. Duna nan un poco les. mester tin Aruba na pecho si sino tanto bal bo mustra nan. Mes lew ba keda.

asina mes
December 11, 2012
201.229.9.236
Votes: +2
...

No Sr. van Nes. Mester cuminsa controla nos fronteranan y boso mester stop di duna stranjero trabow.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter