Monday, 22 December 2014
Jim Hepple di AHATA: Si polis integra den e sistema di siguridad di hotelnan por haci e area di High Rise uno mas sigur Print E-mail
Monday, 10 December 2012 23:06
Comparti

jimhepple ahata

Segun director di AHATA y alabes presidente di Hospitality & Security Foundation, Sr. Jim Hepple, e tin hopi fe den e comisario di polis pa loke ta trata seguridad riba e isla. Un situacion similar di criminalidad a sosode na 2001, caminda cu hotelnan a bisa cu nan lo acumula cierto percentahe di e room revenue y lo crea e Hospitality & Security Foundation.

E placa ey lo bay pa programanan di seguridad. Ta na e momento ey Visibility Team a nace. Algun aña pasa Valero tambe a colabora cu varios otro compania di seguridad. Esaki tabata genera mas of menos 900 mil florin pa aña tabata bay den e programanan aki. E placa ey tabata bay directamente pa Aruba Tourism Authority for di e room tax. ATA a bay di acuerdo cu 720 florin pa aña di e hotel room tax lo bay pa e Security Foundation. E placa ey awo ta wordo uza pa sostene polis adicional cu comisario di polis ta poniendo na su luga. Actualmente 20 persona ta wordo entrena y ta spera cu nan por wordo poni na disposicion pa e fundacion, hunto cu e Tourism Product Enhancement Fund provee nan cu e cursonan cu nan tin mester y ekipo y cualkier recursonan cu nan tin mester pa Maart of April. Ta pensa cu polis adicional lo ta di gran ayudo pa combati e problema aki. Esaki ta un bon aumento den seguridad. No solamente eynan, pero tambe na Eagle Beach y demas areanan. Pa e bishitantenan mira polis y door cu polis a bay di acuerdo door di a aumenta seguridad cu e Visibility Team, ta hopi importante, pero no ta solamente e mester sosode den e High Rise Area. Esaki ta un problema nacional y comunidad mester wak esey. Polis sa esey. AHATA ta di acuerdo e manera cu polis ta operando. Comunidad di Aruba a mira cu tin aumento di siguridad door di presencia di polis. Segun Sr. Hepple polis ta riba bon caminda y mas rason a wordo duna na nan pa sigui haci nan trabao. Tira un bista riba e trabao di recherche. Na final di dia si polis haci nan trabao pero lamentablemente si e hendenan aki bay bek riba caya, esaki no lo ta e contesta. Aruba Hotel Security officers y polis tin reunion regular tur luna. Esaki ta yuda hopi. E siguiente reunion ta diaranson proximo, caminda polis lo reuni cu e security directors pa bay riba tur e factornan aki. E fundacion di seguridad tabata tin reunion cu Comisario di Polis y ministernan y compronde kico nan kier haci. A wordo mustra e detayenan kico e plannan ta. Tin cu bay riba un proceso di destaho publico y segun Sr. Hepple esaki lo tuma luga na comienso di aña. Ta spera cu e sistema nobo di camara lo wordo poni na su luga. E hotelnan mes ta gasta basta placa den camaranan adicional y awo Ocean Club y Surf Club aña pasa a gasta 180 mil dollar riba camaranan adicional. E Surf Club lo bay gasta mas of menos un kwart miyon riba camara. Hyatt y Radisson lo ta gastando mas di 100 mil dollar den camara, debi cu nan ta kere den e sistemanan eynan. Sr. Hepple ta spera cu si polis integra hunto cu e sistema di hotel, lo por haci e area aki mas sigur.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter