| Gobernador Goedgedrag ricibi na Cas di Aruba |
 |
 |
| Tuesday, 11 December 2012 12:30 | |||
 Gobernador saliente di Curaçao sr. mr. Frits Goedgedrag a subraya su caluroso relacion cu su isla natal Aruba, cu un bishita na Cas di Aruba pa personalmente tuma despedida di Minister Plenipotenciario sr. Edwin Abath y su staf.
Sr. Goedgedrag a dicidi pa razonnan di salud retira di su funcion como Gobernador. Minister Plenipotenciario Abath tabata tin palabranan di aprecio pa e hecho cu e Gobernador saliente semper a traha ariba un bon relacion entre e paisnan den Reino. ‘Pero esaki a bai mas leu cu un cooperacion constructivo. Mi por bisa cu tur franquesa cu tabata trata di un relacion estrecho y amistoso. Mi tin confiansa cu e relacion aki despues di e despedida oficial lo keda existi,’ asina Minister Plenipotenciario Abath a bisa. E empleadonan di Cas di Aruba a mustra nan aprecio na Gobernador Goedgedrag cu a tuma tempo pa personalmente bin tuma despedida di nan. Sr. Goedgedrag tin un carrera impresionante. E tabata entre otro gezaghebber na Boneiro di 1992 te cu 1998, e ultimo Gobernador di Antia, di 2002 pa 2010 y e prome Gobernador di pais Curaçao.
|
Mustra/Kita e formulario di comentario
cu e homber aki.
Traishona Boneiro,
Bruha cuenta na Korsow.
Nasi na Aruba, pero curason pa Hulanda.