Tuesday, 02 September 2014
Oficina Central di Estadistica ta presenta: Resultadonan di proyeccion di poblacion di Aruba 2010-2030 Print E-mail
Tuesday, 11 December 2012 16:13
DSC_2063
Recientemente Oficina Central di Estadistica (CBS) a emiti e publicacion ‘Population Projections 2010-2030’ y cual proyeccionnan ta basa riba e resultadonan di Censo 2010.
Den e publicacion aki ta ser presenta tres scenario – halto, mediano y abao - pa loke ta e cantidad di habitantenan cu nos pais lo conoce den e periodo di 2010 te cu 2030. Pa duna un impresion di e proyeccionnan menciona nos lo elabora riba un di e scenarionan, cual ta esun mediano.

Den e scenario mediano nos a asumi un crecemento anual di GDP Real di 1.26, 1.19, 1.12 y 1.06 porciento den cada periodo di proyeccion di 5 aña entre 2010 y 2030, acopla na un crecemento di 0% den productividad laboral y un porcentahe di desempleo di respectivamente 7, 6, 5 y 5 porciento den cada periodo di proyeccion. E suposicionnan treci padilanti den e scenario mediano ta trece cune algun cambio demografico dramatico den e proximo 20 añanan y esaki nos por mira den e tabel adhunto.

Den Censo 2010 nos pais a conta cu 101484 habitante. Si nos relata e desaroyo demografico na e suposicionnan haci den e scenario mediano, nos pais lo conta cu 153386 persona na 2030. Esaki ta implica un crecemento di un tiki mas cu 50 porciento den e proximo dos decadanan. Entre e censonan di 2000 y 2010 nos por a mira un crecemento anual di 1.1 porciento. E proyeccion mediano ta implica un averahe di crecemento anual di mas o menos 2 porciento, cual ta casi dobel di e nivel actual.

Envehecimento di poblacion

E crecemento di poblacion indirectamente ta wordo ocasiona door di e envehecimento rapido di nos poblacion. E envehecimento di poblacion ta trece cune cu un gran cantidad di trahador lo bandona e mercado laboral. E mercado laboral ta disminui tambe door di trahadornan stranhero cu ta bandona Aruba despues di keda algun tempo aki, door di personanan naci na Aruba cu ta dicidi di busca nan suerte den exterior y door di personanan cu ta fayece promer cu nan yega nan edad di pensioen. Debi na e crecemento di GDP, ta premira cu e forza laboral lo sigui expande. Cifranan ta demonstra cu e entrada di hobennan local den e mercado laboral lo no ta suficiente pa yena tur vacatura cu ta keda habri na momento cu esnan di edad bay cu pensioen. Gruponan grandi di trahadornan stranhero lo mester wordo importa pa yena tur e vacaturanan aki. Indicativo pa cu e trend aki ta e grafico adhunto cu ta mustra e reduccion rapido di e cantidad di hobennan bao 15 aña pa 100 persona di mas cu 65 aña.

E publicacion aki ta obtenibel riba website di Oficina di Central di Estadistica: www.cbs.aw

Comentarionan (1)Add Comment
guardian local
December 12, 2012
201.229.70.152
Votes: +0
...

Kiko CBS ta haciendo, propaganda pa AVP por importa mas trahador di exterior?!!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter