| Guido Vonk ta sali Empleado di aña 2012 Hospital ta celebra fin di aña den ambiente familiar |
 |
 |
| Tuesday, 11 December 2012 16:37 | ||||||
 Recientemente Hospital a tene su anual fiesta di fin di aña. Un anochi na unda coleganan a topa cu otro den un esfera di alegria pa asina celebra cu un aña mas ta tras di lomba y cu e dianan di fiesta ta na porta.
Sala di renaissance Convention Center tabata yena cu mas di 600 hende cu a gosa y baila henter anochi. Durante anochi a gosa di e tremendo musica di e banda D’licious y tambe DJ Swingmastersz. Contento tambe a anuncia cu empleado di aña 2012 a keda den persona di Guido Vonk di Camber di operacion. Tur empleado cu durante aña a ser eligi como empleado di luna tabata nomina y na final di anochi a anuncia e ganador absoluto. Guido a ricibi un Ipad Mini for di Hospital presenta pa señor Theo de Kool di Hunta di Directiva. Tambe a parti algun “doorprizes” durante e anochi aki manera “weekendstay” na Renaissance, “lunch” y “dinner for two” na Aquarius. Tambe a rifa un “weekendstay” na Aruba Beach Club y un “dinner for two” na e restaurant di sushi tan conoci “Tatami”. Un danki na tur cu a contribui pa haci e anochi aki uno exitoso. Un fiesta di Pasco siguramente exitoso na unda coleganan a pasa un momento pafo di oranan di trabou den un esfera ameno. Hunta di Directiva di Hospital conhuntamente cu tur colega kier desea un y tur feliz dianan di fiesta y un aña 2013 yena di salud.
|
Mustra/Kita e formulario di comentario
