Friday, 31 October 2014
Minister de Meza: “Mi’n tin problema cu matrimonio di mesun sexo” Print E-mail
Tuesday, 11 December 2012 20:07

mdm
Diaranson mainta Parlamentario mr. Desiree Croes y su pareha mr. Benvida de Souza ta casa na Amsterdam, Hulanda. Testigo di e matrimonio aki ta Minister ing. Mike de Meza, kende ta un bon amigo di e pareha. Ya ayera caba informacion a keda publica cu e pareha ta casa dia 12 y cu un Minister di Gobierno di Aruba ta testigo di e matrimonio aki.

Minister de Meza no tabatin problema pa bisa cu berdad su persona ta e testigo aki. El a splica cu for di momento cu el a wordo aserca algun luna atras pa ta testigo, el a sinti su mes honra y a acepta e peticion aki. E mandatario a enfatisa cu su participacion como testigo di e matrimonio no tin nada di haber cu politica ni e partido na cual e ta pertenece, esta AVP. “Mi ta eynan cmo un amigo di nan. E apoyo tey mescos cu mi lo duna sosten na cualkier persona den nan enlace matrimonial,” de Meza a duna di conoce. Riba e pregunta si e ta acepta matrimonio homosexual, el a contesta cu e ta respeta derecho di tur hende y ta contra di tur tipo di descriminacion. “Cada ken ta scoge e direccion cu nan kier hiba nan bida den e miho forma cu nan por y mi ta aprecia esey tambe. Den e caso aki mi no tin problema cu dos persona di e mesun sexo kier casa cu otro door cu nan ta stima otro … Mi no tin problema at all cu matrimonio di personanan di e mesun sexo.”

Comentarionan (36)Add Comment
The Observer
December 15, 2012
201.229.15.24
Votes: -1
...

@Thanyon, felicidad maximo ta posibel ora un hende homber virgen casa cu un hende muher virgen, priminti otro dilanti di Dios cu nan lo keda fiel na otro te na morto, cumpli cu esey, mientras nan ta trese yiunan na mundo, duna nan tur amor posibel y dia cu Dios tuma nan bai sosega nan sa cu nan a cumpli debidamente cu boluntad di Dios, lagando atras nan yiunan cu nan propio famia cu a sigui den nan paso di felicidad...

Thanyon
December 14, 2012
201.229.84.216
Votes: +3
...

@The Observer, desde decadanan caba, tur psycologo etc cu a hasi estudionan tocante homosexualidad a conclui cu e no ta un problema psycologico, e unicanon cu ta contra ta esnan conservativo. Si abo tin gana di casa(traditionalmente), e no ta algo necesario, bo por biba cu e amor di bo bida sin tin mester di hasi loke bo kier, cu ta sera un contracto reconoci di amor y fedilidad dilanti e testigonan presente. Bo por biba sin tin mester di casa? E contesta ta: si bo por. Den tempo di discriminashon, hende di color no por a casa cu hende blanco. Nan grito pa reconocimento tambe a ser mira como rebeldia, pero despueas di tempo nos tur por a realisa cu nan matrimonio nunca a duna matrimonio di hende blanco menos balor. Bo por realisa e connection? Aruba mester e oportunidad pa un open debate riba e tema aki, y mi lo tin gana di participa na dje. Saludos.

klowt
December 14, 2012
82.139.115.29
Votes: +2
...

como un studiante na hulanda mi tin berguensa di hendenan na Aruba cu nan mentalidad, pesey casi niun hende ta bay bek Aruba, hasi kico, bo hende cu ta purba biba bo bida. Wak Saba, nan a cabi bira parti di hulanda y awo cu esey a bin matrimonion di mesun sexo, Saba cu ta un pais hopi mas chikito cu anos ta hopi friendly cu tur hende, nan no ta discrimina, pero na Aruba, un pais cu asina hopi placa, ainda hendenan ta kedando cu un mentalidad di 100 anja pasa. Antes hende cla cu hende color scur no tabata mag di casa, awo nos ta hari hende cu ta pensa asina, den futuro tur hende ta bay hari aboso, esunan cu ta purba biba hende nan bida usando argumento di " religion" of "dios" jammer. Mi ta pura pa e par generacionnan mas bieuw muri pa caba pa asina e juventud cu tin awo tuma control y hiba Aruba dilanti.

The Observer
December 13, 2012
201.229.12.208
Votes: -1
...

@Thanyon, Ta berdad cu un ser humano por nace cu defecto psycho-somatico; un persona por nace cu ambos sexual gender, PERO, esey no mester significa cu ta ok pa e hiba un bida di perdishon ni den e caso ey. E problema den e caso aki sigur no tin di hasi cu un situashon asina. Aki ta trata simplemente di rebeldia; hende cu kier haci manera nan ta haya ta bon paso ta esey nan tin gana di hasi. Aki ta trata di naturalesa humano cu a tuma rienda di e ser humano en vez cu e ser humano tuma rienda di su naturalesa humano. Si tur hende cuminsa haci locual cu di berdad nan tin gana di haci.....wel......

Thanyon
December 13, 2012
201.229.85.190
Votes: +2
...

Pa tur hende cu argumentonan bisando cu "homosexualidad no ta natural" y "pa Dios e actonan aki ta abominashon", "Researchers at the National Institute for Mathematical and Biological Synthesis (NIMBioS) released a study yesterday on homosexuality that indicates the underlying cause of homosexuality is epigenetic in nature." Loke ta nifica cu e ta presente desde nacemento di un persona loke ta hasie mas natural cu tur e aparatonan cu nos ta usa tur dia pa hasi nos bida mas facil (auto, hairdryer, etc). Ok, y awo pa e parti di abominashon, lesa bo Beibel den e contexto necesario, si nos tuma pasahenan "letterlijk" for di e Beibel, nos no ta mihor cu ningun extrimista fundamentalista. Prome cu bo duna bo argumento (ignorante) , pensa. Pensa y corda, bo por ta hasiendo "damage" nan grandi na un hoben cu no mester di bo ignorancia y intolerancia siego.

Ban serio
December 13, 2012
201.229.28.39
Votes: -1
...

Ki dia ta siqui e proximo matrimonio di parlamentario masc*lino cu uno masc*lino cu ta gusta garga mesa hiba tur caminda????

The Observer
December 13, 2012
201.229.12.208
Votes: +0
...

Ta para hopi cla den Beibel cu Dios ta condena adulterio, y tambe ta hopi cla cu e unico matrimonio reconosi den Beibel ta esun entre un hende homber y un hende muher. Ta con mas cla por splica esaki? Dios a crea nos perfecto, pero ta e ser humano ta comete rebeldía y ta cuminsa desobedese Dios. No ta Dios ta tuma decishon pa nos. Dios a crea nos cu libertad humano, cu nos naturalesa humano, dunando nos e libertad pa escohe kiko nos kier haci, pero na mes momento ta adverti nos di kiko ta bon y ta kiko ta malo. Nos tin e obligashon natural di para responsabel pa consecuencia di nos decishonnan..... Ta asina Dios a saca Adam y Eva for di paraiso... Esnan cu no ta kere den Palabra di Dios, ta esnan cu no ta compronde e naturalesa humano y mucho menos bida...

petje af
December 13, 2012
190.104.101.23
Votes: -1
...

Love doesn't have gender or race! Prome cubo punta dede wak den bo cura ken ta of ta sconde y sufri pavia di hende mente sera mane es nan cu nan comentario nan negativo! Tur hende mester stop di huzga otro y sinja biba den pas y harmonia cu otro sin nuin typo di discrimination!! Ley pa un ley pa tur!! Marriage isn't between a man and a woman but between love and love!! Pabien!! Un orguyo grandi mitin di bisa cu ami ta BERDE BERDE y lo keda BERDE BERDE!!

sodoma y gomora
December 12, 2012
201.229.75.125
Votes: +4
...

E cos ki ta un abominacion no ta ami ta juzga sino e palabra di Dios pesey Dios a crea homber y muher pa nan lo laga tata y mama y casa y lo bira un solo carni pesey mes ay di esun cu ta bisa loke ta bon, malo y loke ta malo ta bon saca bo som awo,pa esun cu ta bisa cu ta kere den Dios!!!

asina mes
December 12, 2012
190.88.212.57
Votes: -1
...

Bo mester a paga bo mesun ticket y no laga pueblo paga bo ticket pa Hulanda. Sigi djodjo cu plaka di pueblo numa tic toc tic toc.

Eberdad
December 12, 2012
190.104.107.186
Votes: -4
...

@te , Bo ta full fout> , Sinja Respeta y Acepta Derecho y desicionnan di otro hende. A yega ora pa Arubanonan Realisa cu ignorancia lo no hiba nos dilanti.

CONTENTO cu un Minister di ARUBA ta demostra cu na Aruba tin hende cu ta defende derecho di tur.

... Low-rated comment [Show]
Gabby
December 12, 2012
82.157.2.98
Votes: -4
...

Hende ta papia di bijbel, bijbel .... biibel segun mi ta bisa pa no tene relacion prome cu matrimonio, ate rey mundu ta hasie y eno ta un problema. si 2 persona di mesun sexo kier casa paso nan ta STIMA otro
? cua ta e problema ? ... hende tin cu biba y laga otro biba. tanten cu no ta den bo cura no hinka bo nanishi.... paso ta net esunnan cu ta cana pp di Dios aki Dios aya, bijbel aki bijbel aya... ta prome riba lista den fierno pa e malo nan cu nan ta hasi !

Tip
December 12, 2012
212.64.56.41
Votes: -4
...

Tip: pa esnan cu no ta di aquerdo cu matrimonio homosexual lo siguiente: Aruba ta un democracia, esey kiermen cu voto di mayoria ta conta, pa medio di elección. Pidi bo representante pa cambia ley i accepta si e no logra. Esey ta consecuencia di democracia. Ademas Aruba tin scheiding tussen kerk en staat. Esey kiermen cu Misa/ biblia etc no por dicta ley, votamento parlamentario so. Pais nan cu si tin teocracia (unda scriptura di biblia of koran ta dicta ley) ta por ehempel Vaticano, Saudia Arabia, Somalia, Tibet etc. Dus si bo no ta di acuerdo cu democracia solamente ta falta muda na un di e pais nan aki.
Amen

ta mesun cos
December 12, 2012
201.229.73.55
Votes: +6
...

como gobernante boso tin responsabilidad pa hiba un pais den bon norma y balorna. Si bo ta respeta tur hende loke nan kier hasi anto ta pakiko tin polis, si ta respeta tur sorto di fechoria tur esaki a ser loke nan kier ser l****n , matado of artacador ta meskos anto, tin ora hende ta sina sabi cu nan bestialidad ta gana nan sabiduria.

Mr. Accountant
December 12, 2012
84.31.160.115
Votes: -5
...

Na prome lugar no ta tur hende ta kere den dios of bijbel. Y mi ta haña cu ta usa palabra di bijbel ora ta cumbini! Kiko a pasa ora hende tin relashon sexual prome cu casa of pa for di nan matrimonio. Muhernan cu yui di diferente homber. Hombernan cu tin yui rond, no ta reconoce of crianan. Hendenan ta kana kasi sunu rond. Hobenan ta haña yui na Jong pa mayornan cria, carnaval hende ta bebe hasi mahos........etc etc. E ora ey si no ta kore Busca den bijbel punta dede, pasobra e lo konta pa BO mes! Prome cu bo husga y skibi kos mahos aki riba, pensa un tiki mas.......ey serka di kas!

J3220
December 12, 2012
209.88.128.20
Votes: +0
...

Comunidad di Aruba mester cuminsa sinja pa STOP di hinca nan nanishi den bida di otro hende. Stop di duna bo opinion riba bida di otro. Mihor bisa con mester biba. Bo bida ta perfecto anto? ta abo taDios? Nobody is perfect, wak bo rond wak den bo mes un cura bo mes un yuinan, bo casa of ruman. Si abo ta feliz so be it! Laga otro ta feliz na nan manera! Si e pareha aki a dicidi di casa laganan! No ta abo ta drumi anochi bandi nan toch? percura pa bo felisidad! E hendenan cu ta papia Palabra di Dios y di bijbel ta cos pa hari! Bosonan cu ta papia di Bijbel mi ta sigur bosonan mes no ta sigui esaki 100%! Mihor cos boso haci ta lisa e bijbel un biaha mas. Boso keda pega riba un pagina cu supuestamente ta papia di Matrimonio di mes un sexo. Please sigui pa next pagina tin mas pa lesa y sigur bo lo topa cu cosnan mas interesante.

mundo ta lora
December 12, 2012
86.83.228.1
Votes: -4
...

Laga odio y ser egoista pa den bo cas. Ta tin un tempo cu muher no mag di bisti carson largo, muher no mag di traha, bo no mag di biba hunto y hanja yui sin casa. Wak con tempo a pasa y nos tur a acepta y tuma tur cos como ta di mes y ken ta tribi di habri boka pasobra den tur famia nan ta hasiele awor. Esaki ta un stap pa cambio. Y no tin un hende cu sa mas di bijbel y ta kere den palabra di Dios cu sr de Meza.

Berdad pikante
December 12, 2012
201.229.51.44
Votes: -1
...

Pa tur cu ta contra, djies bai wak den boso mes familia y bisami si bo kier discrimina nan, tira nan afor of bo lo kier matanan pa nan manera di biba?

Pasenshi
December 12, 2012
201.229.68.250
Votes: -1
...

Den Bijbel ta scirbi cu Dios a traha hende segun su imagen y apariencia. Na unda den Bijbel bo ta haya un solo pasage cu lo por indica cu Dios tabata di e calidad di e hendenan aki? Pues nunca Dios por permiti un relacion asina! Otro cos, cu por ta lo por ser cualifica como "vergezocht": esunnan cu ta di acuerdo cu un matrimonio entre mesun sexo, boso lo bay di acuerdo cu un matrimonio entre hende y bestia??? Esey tambe ta discriminacion toch? Ambos ta criatura di Dios toch?

Y
December 12, 2012
201.229.37.219
Votes: +1
...

Ningun problema cu casamento di mesun sexo ni cu ken nan ta. Hopi problema cu e funcion di e hendenan aki. Como parlamentario y minister bo a huramenta cu bo lo wanta bo mes y defende constitucion y leynan di Aruba. Awo bo ta bai den exterior y kibra e leynan aki. Ta mesun cos cu un polis di Aruba bai huma marihuana na Amsterdam of un huez bai casa pa di dos biaha na Dubai. Esaki no por, si ta gewoon cuidadano, no problem pero no hende cu a huramenta!!! Nan tur dos mester tuma retiro y si no parlamento mester baha nan!!!

sirena
December 12, 2012
201.229.31.243
Votes: -2
...

berdat bijbel ta contra homosexual, pero den mesun rosea Dios ta bisa no huzga pa bo no wordu huzga, nos tur ta pecador, TUR,no tin pika grandi of chikito tur ta pica y ta pisa mesun kos, laga huicio pa Dios, nos como hende no mag di huzga, mi ta sigur cu casi tur famia na aruba tin un famia/amigo cu ta homosexual,por ta nan ta esun mas lief y mas bondadoso cu tur y kiko bo ta bai hasi neglishe pasobra e ta homo? ban ta serio si, stop di huzga, tur hende lo tin cu responde pa nan mesun pikanan ora e momento jega.Ta un derecho di cada ken pa skohe nan partner, si bo ta pro of contra !!!!

asm
December 12, 2012
201.229.19.80
Votes: +2
...

Ken nos ta pa critica y jusga otro? Laga cada ken biba nan bida manera nan ta hanja ta bon. Majan ora nos dia jega ta serca esun cu a crea nos nos lo di duna cuenta. Hopi cu ta critica y/of papia malo y ta jena boca cu palabara di bijbel, ta usa nan ora ta cumbini, kizas nan no ta jega ni porta di misa!

studiante di hulanda
December 12, 2012
24.132.217.85
Votes: +0
...

Awel si ta haciendo tanto beheid cu esaki ta contra bijbel, mi ta spera cu boso a papia cu boso yiunan y otro familiarnan tambe cu nan no mag tene relacion s**ual prome cu casa paso esey tampoco no mag! Cual mi ta sigur nan a experencia cosnan caba. Prome cu punta dede wak prome den boso mesun hogar.

ViKo
December 12, 2012
84.85.51.108
Votes: +0
...

Esaki ta un di e sinjalnan cu nos ta den eindtijd. Dis lesa den bijbel bo ta hanje, ta para : Homoseksualiteit komt steeds meer naar de voorgrond in de eindtijd (zoals in de dagen van Noach) ( 2 Timotheüs 3:3)....Muy pronto nos senjor todo poderoso lo caba cu tur e maldadnan aki.

prorubiano
December 12, 2012
201.229.35.155
Votes: -1
...

e cos aki ta un berguenza national paso uno ta un politico y e otro ta un abogado tur dos di nan ta un figura publico y ta dunando mal ehempel na nos muchanan cu ta creciendo y cu lo kere esaki ta algo normal.
dios spaar nos aruba.....paso ta e so sa kiko mas lo bira algo cu ta totalmente robes y bira algo normal den futuro....

Ronnie Croes
December 12, 2012
201.229.13.87
Votes: +1
...

Si nos no conoce e palabra di Dios, tur cos lo ta bon. Pero no ta asina. Dios a crea e hende homber prome y despues e hende muher. Por lesa esaki den bijbel, den Genesis 2: 4-25, dus capitulo 2, versic*lo 4 te cu 25. Mi persona mes tin hopi pa sinja ainda, y cu poder di Dios lo mi sigi busca su palabra.
Minister de Meza, nos no ta perfecto, pero nos mester reconose esaki si, bira lomba pa pica y haci caminda corcoba bira recht door di acepta Cristo como nos SALBADOR.
Mi ta pone Minister de Meza, e dos personanan y tur hende. den orashon. SENJOR TA E CAMINDA, BERDAD y BIDA. AMEN.

Asmodian Spiritmaster
December 12, 2012
201.229.81.70
Votes: -3
...

Mike de Meza no tin problema cu matrimonio di mesun sexo. Dicon? Pasobra e NO ta un problema tampoco, e ta djis mesun derechonan cu parehanan heterosexual cu tur e beneficio y desventaha igual. Pabien na Desiree.

jan croes
December 12, 2012
201.229.80.72
Votes: +1
...

ay no minister bo no conoce e palabra di Dios esta e bijbel...
e palabra di Dios ta contra e tipo di cosnan aki
Dios spaar boso tur

... Low-rated comment [Show]
buchi juan pia fini
December 11, 2012
201.229.85.233
Votes: +14
...

Cla y Raspa. E ta respeta tur hende nan decision, e ta contra tur forma di descriminacion. E ta hasi esaki pasobra nan ta bon amigo, no tin nada di haber cu politica. Ken ta nos pa hinka nanishi aden? Nan tambe mag di tin nan opinion fuera di politica.
BTW mi mester remarca cu ta bon pa nota cu Mike a bin dilanti y bisa e cos manera e ta sin "beat around the bush" esey ta un bon amigo

te
December 11, 2012
201.229.25.171
Votes: -1
...

Aki poko tempo mata y horta tambe ta wordu legalisa, pasobra na Europa tambe nan lo kizas di bai legalisa esaki tambe y e makakonan na Aruba tambe no por keda atras, Shame

te
December 11, 2012
201.229.25.171
Votes: +2
...

bosonan a perde cuero di cara, berguensa cu nos parlamento anto awor asta nos cuerpo di gobernacion mester rebaha nan te na suela pa acto di inmoralidad cu no ta pas cu nos c*ltura caribense y latino, si Europa ta pro esaki pero no crusa cu e porkeria aki pa nos continente americano. Pueblo tin asco di bosonan/

... Low-rated comment [Show]
LIVE AND LET LIVE
December 11, 2012
201.229.76.253
Votes: +1
...

A bira tempo pa nos Arubianonan Stop di discrimina contra Homosexualidad. Amor ta Amor no ta emporta si ta den mesun sexo of no.

Cuidadano hpi precupa
December 11, 2012
201.229.74.71
Votes: +4
...

Ta na unda nos sociedad ta bayendo??

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter