| Lo extende orario na gate di waf pa por brinda mas servicio |
 |
 |
| Tuesday, 11 December 2012 20:43 | ||||||
|
Tradicionalmente e prome tres siman nan di december ta encera mas tratamento di carga teniendo cuenta cu e dianan di fiesta. Mirando esaki, ASTEC a logra conhuntamente cu APA y Douane, pa extende e orarionan di servicio na gate di waf. A cuminsa siman pasa riba dia 5 di december y bayendo te cu prome cu Pasco, e orario di gate lo wordo extendi te cu 6or di atardi riba dianan trahando den siman. Esaki lo trece mas flexibilidad na e clientenan pa nan por atende cu nan carga yegando den e temporada aki cu ta e “peak season” pa importacion di productonan na nos isla. Por a nota e dianan aki cu e fluho di container ta canando manera debe ser, entre otro danki na e hecho cu e Gantry ta wordo uza como e grua principal pa por atende na e barconan. ASTEC ta desea tur su clientenan hopi exito cu nan negoshi den e temporada aki y feliz dianan di fiesta.
|
Mustra/Kita e formulario di comentario
