Tuesday, 16 September 2014
Marlon Croes ta splica: Otro siman dia 21 Spiraal Rotonde di Aeropuerto ta habri Print E-mail
Tuesday, 11 December 2012 20:57

Marlon Croes DOW (8) (Large)

Den entrevista cu Ing. Marlon Croes, director interino di DOW, el a papia riba kico falta pa termina e construccion di e spiral rotonde na caminda di aeropuerto. Ing. Marlon Croes a splica cu e spiral rotonde ta practicamente 95% cla, ya por mira e banchinan hinca den e klinkernan y tambe e parti di asfalt a wordo realiza completamente. Marlon Croes a bisa cu diamars a inicia e trabaonan di weg markering pa duna e rotonde un bon aspecto y mehora e fluho di trafico y den e dianan aki lo pone borchinan grandi di indicacion, cu lo mester bin den canti caminda, pa asina e publico sa ki direccion mester tuma pa sigui bay na Aeropuerto, Oranjestad of Cumana.  Ademas e luznan di caya a yega e siman aki, y Elmar e siman aki ainda lo cuminza cu e trabaonan necesario pa nan por instala e palonan di luz pa test nan pronto. E meta principal ta pa e luznan keda cla na momento cu e rotonde habri, y e fecha programa ta dia 21 di December pa 7 or di mainta.

El a splica cu e borchinan di indicacion ta conoci den comunidad caba, cu ta esnan blauw cu letternan blanco riba dje. Dia 21 di December e team di DOW hunto cu polis lo cuminza traha pa 3 or di madruga caba, cu ceramento di tur e camindanan alternativo cu tin, cambia e borchinan y cera unda cu tin di cera, pa ora 7 or bati e automobilistanan tene cuenta cu e direccion cu nan mester tuma y polis lo tey pa guia.  El a splica cu e rotonde aki ta parti di e proyecto grandi di Green Corridor cu ta bay for di aeropuerto direccion San Nicolas cu ta coy Pos Chikito, etc., y tambe tin e caminda nobo cu ta bay di e rotonde bay direccion di Codemsa coy full patras pasa Tanki Leendert y sali na Punta Brabo. Nan mester a bin cu un cruzada cu por handle e fluho di trafico na un manera mas responsable, y e luz di trafico cu tabata tin no tabata tin e capacidad suficiente pa esaki y e ora ey nan a drenta den un diseño caminda a pensa riba diferente alternativa pero ora a haci e estudio den termino di placa, capacidad, seguridad etc,  spiraal rotonde ta esun cu a sali mihor y a tuma e decision pa construi esaki.

Tocante e marcamento di caminda a dicidi pa bin cu thermo plast y e contratista a bin cu ekiponan special caminda nan a cuminza pone weg markering impregna den asfalt. Despues di hopi experiencia cu marcamento di caminda cu verf a ripara cu esaki no ta e forma mas ideal y pesey pa e area aki a dicidi di usa thermo plast cu den otro paisnan a duna hopi bon resultado.

album album album
album album album
album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter