Tuesday, 29 July 2014
Maneho di Minister Hooyboer-Winklaar: Proceso pa lanta negoshi a bira mas facil, menos caro y mas eficiente Print E-mail
Tuesday, 11 December 2012 21:08

 Minister winklaar

For di final di aña 2009, Minister Michelle Hooyboer-Winklaar como e mandatario encarga cu e cartera di economia a bin ta haci cambio y adaptacionnan pa haci e proceso pa establece un negoshi mas facil, menos caro y mas eficiente. Na mes momento, pa fortalece entrepreneurship, motiva doñonan di negoshi y futuro doñonan pa mantene un bon calidad di administracion, producto y servicio, Minister Hooyboer-Winklaar a establece diferente servicio pa asisti nos entrepreneurs tambe. Ademas, e mandatario ta motiva negoshinan priva, manera banconan, tambe pa yuda den e proceso aki pa medio di brinda nan clientenan tayernan y lectura tocante e diferente aspectonan di haci negoshi na Aruba.

IDEA: Iniciativa pa Desaroyo di Empresa Arubano

Particularmente nos negoshinan micro y chikito mester di un apoyo adicional y pa esaki Ministerio di Economia a lanta e oficina conoci como Idea, Iniciativa pa Desaroyo di Empresa Arubano. E oficina aki ta brinda un guia extenso y sosten cu conseho tocante acceso na credito, tecnologia, mercadeo y regulacionnan.

Idea ta un departamento cu ta brinda tur servicio gratis, cual sigur ta un sosten grandi pa cualkier doño di negoshinan micro of chikito unda cu hopi biaha e budget ta preta y no tin e recursonan pa paga un consultant. Idea tambe ta ofrece diferente tayer y sesionnan di informacion, como tambe cursonan pa entrepreneurs pa yuda nan cu e maneho di diferente aspecto den nan compania.

Menos "red tape" y mas beneficio

Ademas di Idea, Minister Hooyboer-Winklaar a percura pa crea un clima atractivo pa inversion y pa negoshinan existente. E asina yama "red tape", cual tabata haci tur cos asina mas dificil cu ta en realidad necesario, a wordo minimalisa. Esaki a prueba di ta un alivio grandi pa tanto e persona cu ya tin su propio negoshi, como esun cu kier cuminsa cu un negoshi.

E titular di economia, hunto cu Economische Zaken a tuma algun decision importante, no solamente tocante documentonan y informacion, pero tambe a corta den e tarifanan cu tabata cobra pa diferente peticion.

A cuminsa na elimina documentonan innecesario den e proceso di licencia di permiso y a corta e tempo cu tabata dura pa e negoshi haya un contesta y su permiso si esaki a wordo aproba. Unda antes tabata dura seis luna pa un aña, e proceso aki ta dura solamente ocho siman. E meta ta pa yega na un departamento ful automatisa y reduci e tempo pa ricibi un permiso mas ainda, pues na e tempo minimo di dos siman.

Otro reduccionnan den tarifanan cu ta beneficia e negociante sigur ta inclui e tarifanan nobo di utilidadnan y tambe e reduccion ariba tarifanan di impuesto ariba cierto producto cu ta mas eficiente den uzo di energia. Pero tambe a reintroduci un "investeringsaftrek" di 6% na 2011 y 2012. Pa loke ta trata e negoshi mes y su operacion diario, Minister Hooyboer-Winklaar a ofrece e opcion pa extende oranan di negoshi, pa asina e negoshi por habri of keda habri mas largo y por opera oranan mas flexibel. Pa medio di esaki, ta yuda e negoshi probecha di momentonan bentahoso pa nan benta, manera ora cu tin barco crucero den waf cu ta keda mas laat, etc.

Departamento di Asuntonan Economico ta hungando un rol hopi grandi pa loke ta trata e desaroyo positivo y sostenibel di negoshinan micro, chikito y mediano na Aruba y esaki ta un proceso continuo. Unda ta trata financiamento tambe Minister Hooyboer-Winklaar a percura pa un miho sosten. Pa esnan cu mester financiamento y haci peticion pa financiamento, gobierno ta subsidiando un programa di AIB Bank, conoci como Small Medium Entreprise. Pa esaki AIB Bank ta duna guia den e trahamento di un bon business plan corecto y hasta ta yuda e entrepreneur atrae inversion pa su (futuro) negoshi. 

Minister Hooyboer-Winklaar a anuncia na Small Business Week 2012 cu e siguiente paso ta pa introduci Micro Financing, como tambe un Fondo di Garantia pa negoshinan cu mester acceso na capital, pero no mester di sumanan grandi. Hopi ta e recursonan y condicionnan faborabel cu Minister Hooyboer-Winklaar ta percurando na beneficio di esnan cu kier bira doño di nan mes negoshi. Minister Hooyboer-Winklaar ta encurasha nos negociantenan y futuro comerciantenan pa haci bon uzo di e servicionan cu ta wordo ofreci pa medio di Departamento di Asuntonan Economico y e diferente partnernan.

Pa mas informacion tocante Idea of pa haci un cita, yama telefon 5821181 of consulta e website www.idea-aruba.com.

Comentarionan (5)Add Comment
The Observer
December 12, 2012
201.229.28.6
Votes: +0
...

Ta di spera cu ta trata di negoshinan chikito cu donjonan autentico. Ya caba por tende riba caya cu ta e mesun comerciantenan grandi ta sinta busca hende pober pa pone negoshi chikito riba nan nomber, usa nan, pero cu ta e mesun grupo ta donjo en realidad di tanto e negoshinan grandi como e chikitonan....of no?

RSA
December 12, 2012
201.229.24.84
Votes: +1
...

Entretanto cuanto a lanta y keda habri ?? No propaganda so pero informa pueblo di e resultado real y no loke tin planea.

Aruba Ariba
December 12, 2012
201.229.19.51
Votes: +1
...

Bon min.y un hende mascha interesa den su pais.Pero no ta tur afdeling ta duna permit dicon...Tin un afdeling cu ta provoca casi tur e peticion nan y haci dificil pa cuminsa un of negoshi...ta kwa eta..? Time will tell...Tur caminda cu bo bai ta ok pero asina cu bo bai na e afdeling aki ta manera tin power pley cu casi tur hende cu haci nan peticin...ta bekend...

Ken awo?
December 12, 2012
201.229.126.118
Votes: +1
...

Sinembargo SIAD ta djies mira e lista di negoshi na KVK y ta manda aanslag di belasting sin cu e negoshi cu ta registra ta funcionando, sin empleado y sin nada! HOPI no ta cla cu PERMISO di DIenst Ecomomische Zaken mes, pues no ta ni funciona y SIAD ta manda aanslag pa nan paga sumanan BARABARO. Mester FIX e asunto ei pa SIAD traha mas SERIO y no cobra pa cobra, y enberdad investiga e negoshi cu ta registra si e ta den funcion Si of No!

rosaline rasmijn
December 11, 2012
190.104.103.244
Votes: +3
...

cuanto lugar ta serando no Duna mas stranhero permit. Ta nan benefisio nan ta busca nada bon pa aruba.Cumisa laga tur hend obligatorio papia papiamento. ami ta bin mi lugar anto mester papia otro idioma paso en stranheronan no kier papia papiamento. anto e buriconan na Aruba ta adatap nan mes na e stranheronan. smilies/angry.gifsmilies/angry.gifsmilies/angry.gif

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter