| Pa awor DOW no ta bay traha rotondenan tipo spiral mas |
 |
 |
| Tuesday, 11 December 2012 21:26 | ||||||
|
Den un entrevista cu ing. Marlon Croes, director interino di DOW, el a splica cu e klinkers riba e spiraal rotonde banda di aeropuerto tambe tin e funcion di embeyece e area. El a splica cu e maneho di minister di infrastructura ta pa pone klinkers den e barionan pa eleva nan calidad y tin un plan di embeyecimento asina pa henter Aruba. El a bisa cu e prijs ta competitivo cu esun di asfalt. Tambe el a splica cu pa awor lo no bin cu mas rotonde manera spiraal pero DOW ta bay sigui evalua e cruzadanan peligroso pa conhuntamente cu polis analiza cual ta e mehor solucion cu por tuma, y kico ta mehor den termino di placa, seguridad y mantenimento. Marlon Croes a bisa cu no ta pa decision sin mas di DOW ta traha rotonde pero tin henter un onderzoek su tras prome cu tuma un decision asina. Por nota cu ainda tin e instalacionnan di luznan di trafico den cierto cruzadanan caminda a traha rotonde chikito. Segun Maron Croes te aworaki e rotondenan aki ta funcionando bon pero ainda nan ta un test, y si e resultadonan ta keda positivo lo desmantela e ekiponan di luz di trafico. Nan a mira e necesidad pa traha rotonde debi na un accidente di auto cu a ranca e cahanan di e computernan di luz di trafico cu lo a tarda hopi pa nan wordo cambia. Marlon Croes a papia tambe tocante e cameranan cu tin por ehemplo den e cruzadanan di Elmar, ex BGD y La Fama cu ta funcionando bon. Esaki ta un alternativa nobo cu ta consisti di un radar cu ta detecta e autonan cu ta pasa bao di e luznan di trafico y alavez nan ta graba caminda cu polis por controla esaki tambe.
Comentarionan (2)Mustra/Kita comentarionan Duna Comentario y/of Comparti riba Social Medi |
 (Medium).JPG)
 (Medium).JPG "album.JPG")
 (Medium).JPG "album.JPG")
 (Medium).JPG "album.JPG")
 (Medium).JPG "album.JPG")
 (Medium).JPG "album.JPG")
Mustra/Kita e formulario di comentario
