Saturday, 25 October 2014
Parlamentario sra. Lorna C. Jansen-Varlack: Bus di Salud ta haci un tremendo trabou den e barionan Print E-mail
Tuesday, 11 December 2012 23:01

lorna

Diasabra mainta Bus di Salud tambe a participa den e “Mega Environmental  Event” organisa pa e Comision di “Waste Management & Recycling” pa brinda pueblo e oportunidad pa haci un chekeo medico na Bushalte San Nicolas.Durante e evento mi persona tambe a haci uzo di e oportunidad pa controla mi sucu den sanger, presion y haci un calculacion di mi BMI. Den combersacion cu Dr. Arango mi por a compronde cu un averahe di 50 hende of mas ta haci uzo di e servicio aki pa dia

 

, ora e Bus di Salud ta den e barionan. El a expresa su satisfaccion pa cu e acogida di e ciudadanonan cu ta haci acto di presencia. Esaki tawata e caso diasabra mainta tambe. Tin plannan pa cuminsa cu un projecto special pa Salud di Hende Muher den futuro. Un proyecto cu mi persona ta aplaudi for di awor caba pa cu e motibo cu hopi biaha nos como hende muher ta neglisha nos salud. Nos ta consciente cu ta netamente e grupo aki, cu hopi biaha ta carga e famia financieramente, ta e grupo mas vulnerabel pa wordo afecta cu diferente malesa. A bira tempo pa nos pone mas atencion na nos salud. Hende muher mester cumpli cu e controlnan manera paptest, mamografia, test di sanger etc. Mester tuma nota di e cambionan cu ta tuma lugar den nos curpa y si ta necesario busca ayudo medico mas pronto posibel. No sinta warda y spera cu e simptomanan lo disparce. E ekipo di Bus di Salud ta haci un tremendo trabou pa cu control y recomendacion pa Dokter di cas, si e resultado sali negativo. E servicio ta gratis y mi persona kier encurasha tur hende pa haci uzo di e servicio aki cu ta na bienestar di nos pueblo en general. 

Comentarionan (1)Add Comment
Black P
December 12, 2012
201.229.37.219
Votes: +1
...

Locual cu e bus ta haci, otro organisacion/fundacion ta haci caba y nan ta hasta controla cholesterol cual e hendenan ta gusta mas. E bus aki mester haci testnan mas avansa pa cu e pueblo. E scanner abordo mester wordo usa pero ki dia esey lo tuma lugar no ta conoci ainda. Hopi hende ta gusta tipo di testnan paso nan ta gusta e parti comunicativo paso serca dokter nan no por sinta combersa na nan ameno.
Mester cuminsa cu un investigacion pa cu e tantisimo casonan di cancer cu tin actual riba nos pais. Mester wak kico por ta ocasionando nan.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter