Saturday, 19 April 2014
Lo destrui cedula of paspoort cu no wordo busca dentro di tres luna! Print E-mail
Wednesday, 12 December 2012 11:01
DSC_2063
Oficina di Censo y Registro Civil ta recorda tur hende cu a laga traha paspoort of cedula te cu 7 di december di e aña aki, pa pasa busca nan documento. Despues di tres luna lo destrui e documentonan concerni y e persona lo mester haci un peticion di nobo y paga e suma corespondiente.

Trahamento di paspoort y cedula ta tuma luga na Hulanda y e proceso aki ta dura como dos pa tres siman y semper mester tene cuenta cu dianan di fiesta durante henter aña of otro contratiempo cu lo por surgi. Pesey ta importante pa aplica pa paspoort of cedula hopi tempran, esta pa no laga nan caduca.

Den caso di paspoort, tin pais ta exigi un validez di por lo menos seis luna. Por sosode cu un persona por hay’e den un situacion cu e tin cu biaha urgentemente pa exterior pa motibo di malesa y e mester tin un paspoort valido.

Tambe ta recorda tur hende cu na 2013 lo tin eleccion pa Parlamento anto tur hende cu derecho di voto mester tin un documento valido pa identifica su mes sea rijbewijs, paspoort of cedula. Pues si un di e documentonan aki ta caduca den transcurso di otro aña prome cu eleccion, ta sugeri pa renoba e documento concerni na tempo.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter