Saturday, 26 July 2014
Unda lo bo ta awe 12-12-12 pa 12’or cu 12 minuut y 12 seconde? Print E-mail
Wednesday, 12 December 2012 11:09
DSC_2063
Kico ta e fecha p’awe? Si, ta diaranson y si falta un tiki mas cu 2 siman prome cu Pasco. Pero tin algo mas significante ta pasando.

Pa e ultimo biaha e siglo aki, e dia, e luna y e aña ta e mesun number – 12-12-12. E fenomeno aki no lo pasa atrobe te cu e prome dia di e prome siglo – 01-01-01.

E dia di awe ta e topico di dia pa tin casi propiedadnan magico, un fecha simetrico y casi perfecto ora cu ternura y bon boluntad ta manda.

El a wordo nombra como un “Dia Mundial di Interconexion” y eventonan ta wordo planea for di New York pa New Zealand pa celebra e curiosidad numerologico raro aki.

Na Utrecht, Hulanda, 60 payaso lo cana den caya pa pone un sonrisa riba cara di e ciudadanonan. Na India, gurunan lo urgi pa mundo tum’e como un dia di meditacion. Y na New York, Rolling Stones lo duna un concierto pa recauda fondo pa e victimanan di Horcan Sandy.

Tur e harmonia aki parce ta riba 12-12-12. Pero kico ta haci e fecha aki asina atractivo, asina special? E ta djis un set di number, after all. Of e ta touch un instinto mas profundo? Algun cientifico ta kere cu nos ta programa pa reacciona riba simetria – den scoge un pareha kende por ta un bon prospecto: sea cu e ta un cara perfectamente balansa of un secuencia matematico, nos ta tuma e placer den dje.

·Di acuerdo cu numerologia Chines, uno ta un number yang cu ta wordo goberna pa solo y ta representa independencia y individualismo. Dos ta un number yin, goberna pa luna y ta representa simetria y balans. Combina, e number 12 ta trece harmonia na e yin y na e yang.

·Matematiconan ta stima 12 pa su divisibilidad inherente. E ta un di e numbernan chikito cu por wordo dividi den subsetnan multiple: mita, un tercio, un cuarto, un sexto y un diesdos (een twaalfde).

·Debi cu 12 por wordo dividi facilmente, esaki comunmente por wordo uza den midi. Tin 12 inch den un pia, 12 ons den un liber (uza pa pisa oro, plata y piedranan precioso) y 12 den un dozijn.

·Number 12 tin un papel importante den religion (12 apostel), mitologia (12 dios Olimpico) y astrologia (12 signo di e zodiaco).

·Diesdos hopi biaha ta representa fin di un ciclo y e comienso di un otro. December ta e di 12 luna di aña, cada 12 ora e dia ta bira anochi of anochi pa dia.

·Tambe tin 12 paar di ribchi den mayoria humano, 12 carta den un dek y 12 hende a cana riba luna.

E calendario antiguo Maya ta papia di 12-12-2012 como fin di tur tempo manera cu nos conoce y e comienso di un ciclo nobo di evolucion pa planeta tera, humanidad y cosmos. E bieunan Maya ta bisa cu e Antiguonan a informa cu e mundo moderno mester ta prepara pa un transformacion grandi di e rasa humano.

Interesantemente, tradicionnan rond mundo ta inclui conocementonan Budista, Taoista, Hopi y Vedicto, ta predici un “Edad di Oro” of “Satyug” den nan calendario rond di e mesun periodo. December 2012 ta wordo observa como un evento significantemente spiritual y tin un shift di momento den e consciencia colectivo di e planeta.

Feliz 12-12-12.

 

Comentarionan (2)Add Comment
what goes around..
December 13, 2012
201.229.50.42
Votes: +0
...

Ami tawata na mi trabao, trahando duro .Mi no tin tempo pa symbolismo di cifra hahahahasmilies/cheesy.gif

ken cu kiko
December 12, 2012
86.83.228.1
Votes: +0
...

Ami na dentista.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter