Thursday, 25 December 2014
E berdadero nificacion di 12-12-12 Print E-mail
Wednesday, 12 December 2012 12:51
Comparti
DSC_2063
Pa ultimo biaha durante e siglo aki, e dia, luna y aña ta e mesun cifra: 12/12/12. Nos mester realisa con special esaki ta y cu e no lo tuma luga mas te den e siguiente siglo, ora cu na aña 3001 e siglo ta cuminsa atrobe cu e serie di dia/luna/aña di e mesun cifra, ariba e prome dia di e siglo 01/01/01.

Awe ta un dia cu propiedadnan magico, un simetria y p'esey ta wordo considera un fecha perfecto unda cu bondad y bon boluntad lo reina. E fecha aki a wordo yama "World Day Of Interconnectedness”, pues un dia cu tur ser ta "inter-conecta" y eventonan a wordo planea pa celebra e curiosidad numerico aki den tur pais.

Na Utrecht, Hulanda, 60 payaso ta canando den cayanan di e ciudad pa pone un sonrisa ariba e cara di tur hende. Na India, e gurunan ta pidiendo mundo pa medita. Y na New York, Rolling Stones ta teniendo un concierto pa recauda placa pa e victimanan di horcan Sandy.

Ta aparenta cu tur cos ta harmonioso ariba 12/12/12. Pero kico ta haci e dia aki asina atractivo? Asina special? Na final di dia e ta simplemente un secuencia di number. Of e ta raca un instinto? Algun cientifico ta pensa cu nos ta programa pa reacciona na cosnan cu ta simetrico - un cara simetrico, como tambe un secuencia matematico simetrico semper ta atrae mas hende, nos ta disfruta di esaki.

Numbernan Chines ta mustra cu "uno" ta un number yang, cual ta wordo domina pa solo y ta representa independencia y individualismo. "Dos" ta un number ying ta domina pa luna y ta representa simetria y balans. Combina e number 12 ta trece harmonia na e ying y yang.

Matematiconan ta encanta cu 12 pa su divisibilidad inherente. E ta un di e cifranan mas chikito cu conoce division multiple: mita, tercer, cuarto, sexto y digecimo.

Pasobra 12 por wordo dividi asina facil, e ta hopi comun tambe den midi. Tin 12 inch den un pia, 12 ons den un libra troy (cual ta wordo uza pa midi oro, plata y piedra precioso) y tin 12 pida den un dozijn.

E number 12 tambe tin su luga den religion (12 apostel), mitologia (12 dios di Olympia) y astrologia (12 signo zodiaco).

Diesdos ta representa tambe e final di un ciclo y cuminsamento di un otro ciclo. December ta e di 12 luna di aña y cada 12 ora e dia ta bay di anochi pa dia of di dia pa anochi.

Mayoria hende tin 12 paar di ribchi, tin 12 carta cu cara den un paki di carta y 12 persona a cana ariba luna. E cifra 12 ta ful rond di nos y den tur area.

E kalender di Maya Antiguo ta papia di 12-12-2012 como "end of times as we know it" y e cuminsamento di un ciclo nobo di evolucion di planeta Tera, humanidad y e cosmos. Ancianonan Maya ta bisa cu esunnan di temponan antiguo tabata informa mundo moderno pa prepara pa un transformacion gigantesco pa e rasa humano y ta interesante pa realisa cu rond mundo e siñansa Budista, Tao, Hopi y Vedic ta indica un "Golden Age" of "Satyug" ariba nan kalendernan durante e mesun periodo aki. December 2012 ta wordo regarda como un evento spiritual significante y un shift importante den e consciencia colectivo di nos planeta.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter