| Reunion consultativo di visa entre departamento di relacionnan exterior di aruba y ministerio di asuntonan exterior di Hulanda |
 |
 |
| Wednesday, 12 December 2012 15:09 | |||
 Recientemente a tuma lugar varios reunion consultativo cu diferente departamento envolvi den e maneho di visa. Como consecuencia di e cambionan den structura di Reino Hulandes na aña 2010, a introduci un maneho harmonisa pa visa como tambe un solo visa pa islanan di Caribe Hulandes.
Parti di e plan di maneho ta inclui reunionnan regular consultativo pa asina harmonisa, monitor e procesonan y mantene e lineanan di comunicacion habri. Na Maart 2012 a cuminsa cu e reunionan preliminar di visa preparando pa e di dos Visumwerkconferentie di Reino. Esaki a tuma lugar na Juni ultimo na Aruba, na cual varios Embahada di Reino cu tin di haber cu e visa pa Caribe Hulandes tabata presente. Tambe presente tabata autoridadnan di cada Pais di Reino cu ta encarga cu visa. Durante di e reunion aki a actualisa y optimalisa e "Visum Handboek" cu lo facilita e proceduranan ora tin peticion di visa pa Caribe Hulandes. Director di Departamento di Relacionnan Exterior drs. A. Lee y Sra. Geraldine Blom-Ras, Beleidsmedewerker Personenverkeer y otro beleidsmedewerkers di DBB, a reuni cu Sr. Derk Jan Nauta, Beleidsmedewerker di Ministerio di Asuntonan Exterior di Hulanda. Durante e reunion aki a trata diferente topiconan, entre cual ta asuntonan actual di visa / desaroyonan politico den Reino y Paisnan di Reino, e situacion actual encuanto siguimento di acuerdonan di Visumwerkconferentie 2012, combatimento di Traficacion di Hende y cooperacion den Reino encuanto visa. Tambe Departamento di Relacionnan Exterior a yama un reunion cu otro partnernan manera DIMAS, Immigracion y Raadsadviseur Personenverkeer hunto cu Sr. Nauta pa discuti asuntonan topiconan menciona anteriormente cu e meta pa yega na palabracionnan concreto.
|
Mustra/Kita e formulario di comentario
