Saturday, 01 November 2014
CBS cu cifranan riba e cantidad di personanan cu limitacion Print E-mail
Wednesday, 12 December 2012 15:18
DSC_2063
Personanan cu un of mas limitacion den nan funcionamento hopi biaha ta forma parti di e gruponan mas vulnerable den nos comunidad. Compara cu e poblacion en general, nan tin mas riesgo di experiencia limitacionnan den haci actividadnan di bida diario of experiencia dificultadnan pa participa den nos sociedad.

Pa por sigura cu personanan cu limitacion ta participa na un forma igual den tur nivel di bida diario, datonan relevante y confiabel ta esencial. P’esey segun recomendacion di Nacionnan Uni, un serie di pregunta tocante di limitacionnan den funcionamento a wordo inclui den e formulario di Censo Aruba 2010.

For di e datonan colecta a resulta cu 6955 persona na Aruba (6.9 porciento di e poblacion total) ta experiencia un of mas limitacion den nan funcionamento, di cual 4007 ta hende muher y 2947 ta hende homber. Remarcabel ta cu segun e edad ta subi, e porcentahe di e poblacion cu limitacion ta aumenta casi exponencialmente. Den personanan entre 60 pa 64 aña di edad (ora cu mayoria hende ta baha cu pensioen di biehes), 11.1 porciento ta sufri di un of mas limitacion. Den personanan dies aña mas grandi (entre 70 pa 74 aña di edad), 22.6 porciento ta sufri di un of mas limitacion. Den esnan entre 85 pa 89 aña di edad, casi dos tercera parti (61.1 porciento) ta experiencia un of mas limitacion. E problemanan cu mayoria biaha ta e causa di e limitacion ta problema di bista, sigui pa problema di movecion, problema di oido, problema di siña y concentra, problema cu cuido personal y problema di comunicacion.

 

Grafico 1: E porcentahe di personanan cu limitacion bao di e poblacion di Aruba pa categoria di edad (Censo Aruba 2010)

alt

Di esnan cu tin limitacion, 26.9 porciento a indica cu nan mester di ayudo cu cuido personal y trabao di cas, particularmente esnan di edad mas avansa y esnan cu ta experiencia mas cu un tipo di limitacion. Den total, 6.7 porciento di esnan cu a indica cu nan mester di ayudo a raporta cu nan no ta hayando e ayudo necesario, particularmente esnan di un edad mas jong y esnan cu ta experiencia limitacion riba solamente un tereno, por ehempel door di problema di bista.

E resultadonan di Censo Aruba 2010 a indica tambe cu e mayoria di personanan cu limitacion na Aruba (71.0 porciento) ta haya cuido y yudansa na cas door di miembronan di nan mesun famia cu ta biba cu nan den cas. E expectativa ta cu na Aruba, mescos cu internacionalmente, e porcentahe di e poblacion cu tin un of mas limitacion lo sigui crece. Esaki debi na e enbehecimento di e poblacion cu tin di haber cu e expectativa di bida cu ta sigui subi y e fertilidad cu ta sigui baha.

Den un publicacion di Oficina Central di Estadistica titula: ‘The prevalence of disability in Aruba’ por haya mas informacion riba e topico aki. E publicacion ta obtenibel gratuitamente riba e website www.cbs.aw.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter