Friday, 18 April 2014
COA a haci entrega di diploma na graduadonan di curso basico pa entrenadornan Print E-mail
Wednesday, 12 December 2012 15:35
DSC_2063
Awendia un entrenador den deporte ta mucho mas cu solamente un persona cu ta instrui deporte, e entrenador ta bira un influencia grandi den bida di e deportista". Esaki tabata palabra di Secretaria General di COA, Sra. Nicole Hoevertsz na e entrega di diploma na e cursistanan di Curso Basico pa Entrenadornan.

Diahuebs anochi den e prestigioso ballroom di Holliday Inn Hotel, Comite Olimpico Arubano y su Comision di Desaroyo a otorga na 24 cursistanan nan diploma como entrenador basico.

E Curso Basico pa Entrenadornan por wordo considera como un promer stap pa futuro entrenadornan deportivo cu ta aspira pa bira un entrenador profesional, pa di e forma aki contribui na sigui eleva e nivel di nos deporte Arubano. COA ta hopi satisfecho pa mira un grupo grandi di futuro entrenadornan cu a dicidi di participa na e curso aki y cu finalmente a logra finalisa e curso cu éxito. Esaki ta otro prueba cu deporte na Aruba tin su raíz profundo den nos comunidad. Tin un interes grandi entre nos potential dirigentenan deportivo pa sigui desaroya nan mes como futuro entrenadornan deportivo.

E entrenadornan tin e tarea pa sigui motiva, entrena nos hobennan pa sigui practica deporte y di e forma aki sigui mehora nan habilidadnan deportivo, pa asina un dia nan por representa nos país riba nivel mas halto, tanto nacional como internacional.

Un anochi sigur grandi pa tur presente pa motibo cu awor Aruba ta conta cu binti y cuater persona di nivel cu por duna e instruccion y guia nesecario na e desaroyo y formacion di nos deportistanan.

Den su calidad di presidente di COA, Sr. Roy Mezas a dirigi su mes na e entrenadornan nobo. Segun Sr. Mezas, Aruba ta conta cu binti y cuater rolemodel den deporte, personanan cu ta un ehempel pa nos deportistanan. Di e trinti y shete persona cu a inicia e curso algun luna atras, binti y cuater a logra pasa nan tesis final den un forma exitoso. E papel otorga ta uno di nivel halto y reconoci, mirando e calidad di e contenido di e curso.

Secretaria General di COA, Sra. Nicole Hoevertsz tambe a dirigi su mes na esnan presente. Sra. Hoevertsz a enfatisa riba e influencia cu cada entrenador lo bai tin den bida di e deportista. Nan mester duna ehempel cu nan propio actitud, caminda norma y balornan, amor pa deporte, disciplina, y responsabilidad lo briya. Esakinan ta aspectonan cu bo no ta siña for di den buki.
E sentimento pa crea un bon ser humano y pa motiva e hobennan, ta puntonan cu mester domina. Si e coach ta bon motiva, e lo sa di motiva e hoben deportistanan tambe, anto e ora lo bo mira e logronan. Cu motivacion y dedicacion, lo bo logra hopi, tambe den resto di bo bida. Keda conciente di dje tur dia.

Na final a yama tur e graduadonan un pa un padilanti pa asina ricibi nan diploma, mas un pin di COA como simbolo cu awor nan ta pertenece oficialmente na e famia di Comite Olimpico Arubano.

Por ultimo, e docente di e curso, Sr. Alberto Thiel a haci entrega na presidente di COA, Sr. Mezas e buki cu tur documento oficial relaciona cu di e Curso Basico pa Entrenadornan.

Esnan cu a ricibi nan certificado como Entrenador Basico den Deporte ta: Lyrick Pourier, Carlos Luis Hernández Cesar Ras, Gisela Losada, Iris Maduro, José Ernesto Vivas, Kenneth R. Vrolijk, Luigi A.G. Croes, Luis Hunt, Marco Dupersoy, Mariá de los Angeles Solano, Michael G.S. Stamper, Minerva Q. de Hernández, Rebecca R. Maduro, Rendell Ernest de Kort, Richard Luydens, Ronald Sylvester Serrant, Roxine Juliette Thielman, Rudolf Wester, Julieta Farro Steward, Ursheline Ch. Marchena, Urvin Werleman, David Dubero y Reginald Thielman.

dowers dowers dowers
dowers dowers dowers
dowers dowers dowers
dowers dowers dowers
dowers dowers dowers
dowers dowers dowers
dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter