Tuesday, 21 October 2014
Ronella Tjin Asjoe-Croes, CEO di ATA: Laso entre Aruba y Venezuela no ta solamente turistico, pero cultural tambe Print E-mail
Wednesday, 12 December 2012 16:13
DSC_2063
E oficina di Aruba Tourism Authority na Caracas a celebra 40 aña di existencia. Esaki a sosode na e cas di e Embahador di Hulanda na Caracas, Sr. Hans van Vloten Disseveld. Pa e ocasion aki tabatin un celebracion special cu presencia di diferente invitado.

Director di ATA Aruba, Sra. Ronella Tijn Asjoe-Croes a uni cu e team di ATA Caracas y eynan a topa cu Sra. Miriam Dabian, cu ta directora di e Oficina di Turismo pa Latino America y otro personanan importante cu ta baluarte di e turismo di nos isla durante e ultimo 40 aña na Venezuela.

E 40 añanan aki di operacion na Caracas a celebr’e cu un evento di gala “The Collection” y lansamento di e buki “Aruba y Venezuela, 40 años de recuerdos”. Embahador van Vlotten, despues di a duna un bon bini na e team di Aruba Caracas como na CEO di ATA Sra. Ronella Tjin Asjoe-Croes, a duna un discurso special, na unda el a destaca e importancia di e mercado Arubiano na Venezuela. Aki e ta indicando cu e estadisticonan ta mustra cu den Caribe, Aruba ta e isla favorito di e Venezolanonan. Cu 100 mil bishitante pa aña, Venezuela ta e di dos mercado di importancia turistico pa Aruba.

Ademas el a bisa cu e Oficina di Turismo di Aruba na Caracas a hunga un papel hopi importante den e exito aki y ta p’esey a expresa palabranan di felicitacion pa e logro aki.

Durante e anochi aki, Sra. Ronella Tijn Asjoe-Croes a manifesta cu Aruba ta hopi gradici cu e mercado Venezolano. E mercado aki ta birando un mercado natural pa Aruba. Na 2011 e mercado aki a crece mas cu 30% y e aña aki ya e ta mas cu 18%. E laso di Aruba cu Venezuela no solamente ta turistico, pero tambe uno cultural ya cu a base di e cercania tin un laso cultural hopi mas estrecho.

Directora di ATA, Sra. Dabian a resalta e labor di esnan cu a fungi como director di e Oficina di Turismo durante e 40 añanan aki. Na prome luga a wordo referi na Sr. Rafael Estrada kende na 1972 tabata e prome director na Venezuela. Sr. Estrada a construi un mercado turistico cu futuro y a consolida e imagen di Aruba, cual ya caba e tempo ey a cuminsa bira importante, apesar cu e cantidad di bishitante for di Venezuela tabata solamente 10 mil pa aña.

Otro directornan encarga di fortalece a imagen di Aruba ta Sr. Rory Arends, Sr. Marcelo Kock, Sr. Mario Arends, Sr. Mirto Granadillo, kende a dirigi e Oficina di Turismo di Aruba na Venezuela durante 30 aña, y Sra. Miriam Dabian, kende ta ocupa e puesto aki actualmente.

Sra. Tjin Asjoe-Croes a laga sa cu durante e 40 añanan aki e number di vuelonan a pasa di antes 5 semanal cu ALM y 2 di Aeropostal, na mas di 30 pa siman cu ta sali semanalmente pa Venezuela.

Aruba a yega na casi 10 mil camber disponibel. “Cada un di esnan cu a yega di traha na ATA ta sinti parti di e desaroyo y ehecucion di strategianan turistico cu ta wordo elabora conhuntamente entre e Ministerio di Turismo y ATA”, e ta señala.

E directora di ATA a repasa proyectonan cu ta na caminda manera e pronto apertura di Ritz Carlton Hotel y e construccion di Hard Rock Café. “Ta un honor pa mi ta akinan pa e celebracion di 40 aña y mi ta comparti e momento aki trahando hunto cu e ekipo cu ta desaroyando e mercado di Venezuela”, el a expresa.

Sra. Miriam Dabian, actual directora di e Oficina d Turismo pa Latino America a declara cu 5 aña pasa el a ocupa e funcion aki na Caracas. “Nos ta akinan cosechando y tratando y haci e cosnan miho. Nos team na Caracas a demostra cu nos mes ta haci nos propio historia haciendo tanto cu e mercado di Venezuela como esun di Latino America lo ta bay ta e proximo 10 añanan e mercadonan di hopi importancia pa e turismo di Aruba”.

E mercado di Venezuela ta creciendo. Aruba mes por a wak con e evolucion di e mercado turistico Venezolano ta. “Anualmente nos obhetivo ta pa trece mas turista Venezolano y cu poder adkiri na nos isla Aruba. Nos posicionamento di Aruba akinan ta pa e Venezolano sinti su mes na cas”, Sra Dabian ta anadi.

Ademas el a agrega cu Aruba ta bon posiciona den henter Latino America principalmente na Argentina na unda ta logrando e reconocimento cu Aruba mester den e mercado aki. Banda di esaki tin Brazil apesar cu tin hopi competencia, no solamente den e mercado turistico pero riba otro terenonan manera esun economico.

Segun Sra. Dabian, su team ta trahando hopi fuerte na e paisnan cu tin vuelonan directo y tambe atravez di aerolineanan manera Avianca y COPA cu ta bula entre e ciudadnan no solamente di Sur America pero tambe di Centro America. “Awor cu Aruba tin aerolinea cu forza manera Tiara Air y Aruba Airlines nos ta haci historia pa e siguiente decadanan di Latino America pa Aruba”, el a expresa.

dowers dowers dowers
dowers dowers dowers
dowers dowers dowers
dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter