| Aruba bank ta invita henter comunidad pa contribui na un bon causa Hunto nos por ilumina varios hogar di menos recurso na Aruba |
 |
 |
| Wednesday, 12 December 2012 16:26 | |||
 Na cuminsamento di luna, Aruba Bank a anuncia su campaña di bon causa di Fin di Aña. E campaña di bon causa aki ta encera cu na un di e branchnan di Aruba Bank, bo por haci un donacion pa un basket di comestibel. E basket aki lo wordo entrega na un famia den mas necesidad, pa asina aki nan tambe por disfruta di e temporada di Pasco y Fin di Aña.
Cada cliente cu duna nan aporte financiero pa e bon causa aki, lo ricibi un sticker cual lo e por pone su nomber riba dje y plak esaki riba un cahita chikito den e kerstboom den un di e 5 sucursalnan di Aruba Bank. Pa haci donacion por djis pasa na cualkier di e sucursalnan di Aruba Bank y haci un donacion pa un basket, cuminsando for di Afl.25,- te un maximo di Afl.75,-. Cada basket tin un balor di Afl.150,- y Aruba Bank lo multiplica e suma na final di e campaña, cu lo termina dialuna 17 december proximo. Durante di e siman di 17 di december, e basket nan lo ser reparti na famianan di menos recurso den nos comunidad. Bo tambe por contribui na un bon causa e Pasco aki, bishita un di e sucursalnan di Aruba Bank prome cu 17 di december y haci bo donacion. Cu un simpel gesto di duna bek, bo por yuda bo prohimo y haci un diferencia pa un famia por disfruta y pasa e dianan di fiesta feliz.
|
Mustra/Kita e formulario di comentario
