Wednesday, 01 October 2014
Home 2 Go ta celebra su prome aniversario cu sunchi di descuento Clausura musical diasabra cu Paranda ta Nos Print E-mail
Wednesday, 12 December 2012 16:33
DSC_2063
Ya ta un aña cu Aruba a conoce un muebleria diferente na unda calidad, servicio y prijs ta na prome luga. Un aña na unda a mira bastante cambio den e surtido pero algo cu ta un prioridad na momento di scoge piesanan di mueble ta cu e cliente ta haya balor pa su prijs.

Home 2 Go ta un muebleria na unda e soño di decora bo cas ta bira realidad cu tokenan diferente pa asina diariamente bo lanta den e cas di bo gusto. No por keda sin menciona cu tin algo pa cada cas mirando cu e estilo ta varia y e toke ta uno personal for di momento cu bo drenta te ora bo sali.

Den cuadro di celebracion di Home 2 Go su prome aniversario a lansa un campaña cu ta carga e nomber “Sunchi di descuento”. Pasa e siman aki te cu diasabra 15 di december y haci bo compras y ricibi un sunchi di descuento den forma di un “Hershey’s kisses”. Manera cu bo cumpra un producto di Home 2 Go bo tin e oportunidad pa haya descuento entre 5% te cu 25%.

Home 2 Go tin un surtido amplio di camanan pa 1 of 2 persona cu un estilo contemporaneo of moderno di un calidad halto di puro palo. Camanan pa bo yiunan estilo “bunkbed” den diferente tamaño y color y no por keda sin menciona e decoracion pa bo cama. Algo cu bishitante di Home 2 Go no por resisti na momento cu nan cay drumi riba nan ta e diferente matras cu tin disponibel manera matras ortopedico, matras cu tin e “memory foam” y mucho mas. Cusinchi duro of mas suave bo ta haya na Home 2 Go compaña pa laken y “comforter” den diferente color. Set di comedor, set di sala den diferente color recliner, ottoman y tambe “wall decals” cu ta sticker di vynil pa decora bo murayanan sin daña e verf na momento cu esaki wordo kita y mucho mas.

Asina ta no warda y pasa Home 2 Go pa asina bo cas tin e estilo cu bo merece probechando cu e siman aki tin e campaña “Sunchi di descuento” ta core. Clausura di e grandioso campaña aki ta diasabra awo cu “cupcakes “y algo refrescante pa un y tur cu pasa y bishita y no por lubida musica di fin di aña na encargo di Paranda ta Nos entre 3or cu 5or di atardi. Home 2 Go ta situa den Avenida Milio J. Croes 42A. Orarionan di Home 2 Go ta dialuna di 1or te cu 6or, di diamars te cu diabierna di 10or pa 6or y riba diasabra di 10or pa 5or. Si bo tin un soño, pasa y Home 2 Go ta yuda’bo haci esaki un realidad!

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter