Friday, 31 October 2014
Minister Arthur Dowers: Topiconan discuti na Den Haag: RST, Kustwacht y Wetboek van Strafrecht Print E-mail
Wednesday, 12 December 2012 19:41

front

Diaranson mainta a tuma luga na Den Haag, Hulanda e asina yama Justitieel Vierpartijen Overleg (JVO), unda cu Minister di Husticia di paisnan di Reino Hulandes ta reuni pa discuti asuntonan di interes comun. E cuater partnernan, esta Aruba, Curaçao, Sint Maarten y Hulanda a acorda durante e reunion ariba 12/12/12 cu e reunionnan aki lo sigui tuma luga cada mey aña.

A dicidi tambe cu en bes di biaha pa tur dos reunion, un di e reunionnan lo tuma luga den un di e paisnan di Reino y e otro lo ta pa medio di video conferencing, pues e ministernan lo reuni uzando tecnologia moderno y elimina un di e biahenan. Minister di Husticia y Enseñansa, Arthur Dowers a bisa cu e procedura di e reunion lo keda manera cu e ta. E mandatario a duna un impresion di algun di e topiconan discuti. Pa loke ta trata asistencia di procedura legal, a keda acorda pa tuma den consideracion pa haci uso di Minsterio di Relacionnan Exterior. Lo demas lo cana su caminda normal. A discuti tambe e posibilidad pa presonan sinta nan castigo den un di e diferente paisnan di Reino, pero no a yega na un conclusion ariba e topico aki. Gobierno Hulandes a propone un limitacion ariba e posibilidadnan y en cambio e islanan kier a discuti esaki mas amplio, pasobra e proposicion di parti di Hulanda no lo tin resultado deseabel pa e otro partnernan di Reino. E informacion cu a wordo comparti durante e JVO lo wordo manda bek pa e comision trahando ariba e asunto aki cu puntonan specifico cu a wordo treci padilanti durante e JVO pa e proposicion wordo reformula y e discusion por sigui. Minister Dowers a splica cu a palabra cu procudura pa e codigo di procedimento penal ta sigui y a palabra cu e diferente partnernan lo duna nan contribucion. Hulanda lo percura pa cubri e gastonan durante e aña nos dilanti y e siguiente aña cada partner den Reino lo comparti den e responsabilidad y haci un contribucion financiero ya cu ta un ley cu ta concerni tur pais den Reino, Minister Dowers a expresa. Tanten cu e presupuesto di RST (Rechergesamenwerkingsteam) ta keda wanta pa aprobacion te dia 30 di januari durante e siguiente JVO, e presupuesto di Hof si a keda aproba, Minister Dowers a añadi. Un punto di agenda cu a wordo discuti tambe den extenso ta "Kustwacht" y e contribucion di Ministernan di Husticia pa cu esaki, como cu e tabata wordo regarda como responsabilidad di Defensie hunto cu e paisnan. A acorda cu lo sigui locual ta hancra den articulo 14 di e Rijkswet Kustwacht, e mandatario a bisa. Artikel 14 hustamente ta bisa cu e maneho hudicial di Kustwacht ta cay pa parti di e Ministernan di Husticia y esaki lo mester haya su atencion debido, segun Minister Dowers. Concluyendo el a bisa cu Sint Maarten, Curaçao y Aruba lo sinta hunto pa formula un punto di bista pa cu Kustwacht, Tur pais ta diacuerdo cu por saca mucho mas probecho for di Kustwacht den combati criminalidad den nos teritorionan.

gallery1 gallery1 gallery1

Comentarionan (1)Add Comment
puro
December 12, 2012
201.229.18.107
Votes: -1
...

Duro Dowtjie. Master.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter