Saturday, 25 October 2014
APA y ASTEC tin suficiente material y personal pa procesa carga Print E-mail
Wednesday, 12 December 2012 21:27

Alfonso Boekhoudt suficiente

Un incidente cu a tuma luga cu e crane di APA, Aruba Porths Authority algun siman atras, a causa cu tin un retrazo den e temporada di druk di deceber pa saca carganan. Director di APA, Alfonso Boekhoudt a splica cu, momento cu personal tabata bahando un mashin masha pisa mes den haf for di un barco, e cadenanan a kibra cu a causa cu e mashin a cay, causando daño na e Crane Gantry y cay riba e kade destruyendo esaki.

E accidente a causa cu no por a uza e crane, pa cual mester a pone esun mobil den operacion. E mala suerte a sigui, pasobra e mobil tambe a confronta problema, pa cual mester a busca cu urgencia algun pieza for di exterior. Durante tres dia, ASTEC no por a haci uzo di e cranenan cu tabata tin disponibel riba haf, pero e trabounan a sigui, ya cu tabata uza e kraannan di e barconan mes. Mientrastanto e mobil y e Gantry a cuminsa funciona, y ta uzando esaki solamente awor, y e ta suficiente pa baha e carganan. Segun Boekhoudt e dos kraannan por traha pareu pero no ta necesario pa wordo uza, mirando e cantidad di carga cu ta procesa. Naturalmente si uza ambos, e gastonan tambe ta bira dobel. Director di APA a splica cu como cu no tin problema pa procesa e carganan awor, ta miho uza un di e cranenan so. Pa e publico ta mas conscientisa, el a splica cu e crane mobil por move riba un area di mas cu 90 M2, segun su plataforma, y su alcance ta haci cu tur barco cu ta yega Aruba por wordo atendi door di e mobil. Pero asina mes a pone e mobil cerca di e Gantry, por si acaso mester di ambos. Pero el a adverti cu uzando ambos, ta trece gastonan mas halto. Tambe Boekhoudt a confirma cu normalmente den luna di november y december tin un piek basta halto pa carganan cu ta yega Aruba y cu mester wordo procesa. APA y ASTEC tin suficiente material y personal pa procesa e cantidad extra di carga den e dos lunanan aki. Loke ta tuma tempo ta pa saca e carga for di waf, e ta exigi mas ora di trabou di e trekkernan pa drenta, tuma e carga y sali bek, pa otro drenta. Pa alivia e situacion aki, den e luna aki e portanan di waf ta keda mas largo habri, te cu 6’or di atardi. Esaki ta pa duna e companianan, no Astec ni APA, suficiente tempo extra pa saca nan carga for di haf. E tabatin elogio pa Cuerpo di Aduana cu e aña’ki tabatin actitud proactivo pa cu comercio, a percura pa oranan extendi y tambe riba diasabra. Por ehempel nan a anuncia cu riba 15 y 22 di december, riba diasabranan, nan lo procesa carganan na waf pa e comerciantean. Esaki ta for di mainta te cu 12’or di merdia. Pues e presion ta e fluho pa saca e containernan, pero door di extende orarionan cu waf di habri, cu tur instancianan necesario dunando servicio ta permiti pa mas carga sali.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter