Friday, 28 November 2014
APA evaluando pa duna servicio di bunkering den haf Print E-mail
Wednesday, 12 December 2012 20:03
Comparti

Alfonso Boekhoudt

Mudamento di waf pa Barcadera, director di APA, Alfonso Boekhoudt a bisa, ta bay hisa eficiencia di maneho fluho di carga un poco mas. E ta bisa cu e fluho di hisa y baha carga ta bay bira mas eficiente, pero tambe e ta bay wordo sinti den rapidez cu e mercancianan ta yega riba mercado local.

Esaki pasobra lo bay traha cu orarionan extendi pa mas carga por wordo saca for di haf. Loke ta bon ta cu na Barcadera nan ta bay tin espacio disponibel, ta bay crea un sistema di funciona cual por trece cune cu carganan por wordo saca mas lihe pa bay nan destinacion. E plan ta pa den 2013 a mudamento wordo ehecuta sigur. E tempo di construccion lo ta 18 luna y ora cu e waf ta cla. APA a constata cu e demanda den e cantidad di peticionnan pa mara waf ta sigui crece di parti di barconan crucero y e ta pone un presion riba e operacion di carga. APA lo ta hopi contento cu e waf di carga por muda pa por opera esun di Playa completamente pa barconan crucero. Boekhoudt a splica cu pa loke ta crucero, Aruba a bin ta enfocando hopi mas riba mercado Europeo, tratando di trece cruceronan di e area ey pa Aruba. A participa recientemente na Seatrade na Europa y a wordo confronta cu diferente peticion di barconan cu kier bini Aruba pero cu e condicion cu nan por bunker di fuel na Aruba. Pesey ta evaluando si por trece bunker fuel den haf di Oranjestad of un otro sistema. E sistema aki ta wordo studia door di un funcionario di APA cu ta trahando riba su tesis. E ta encera cu na momento cu nan ta mara den haf di Aruba, nan ta uza coriente y no ta kima e fuel cu nan tin den nan deposito. “Mirando cu ta bay bin un control di emission pa barconan crucero cu ta bin for di Merca,e ta brinda posibilidad pa haf di Aruba bay den bunkering, pasobra e ta aumenta pa trece mas barco pa Aruba. Nos ta mirando con nos por brinda e servicio aki.”

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter