Thursday, 27 November 2014
Presupuesto y plan di maneho di coa pa 2013 a ser aproba pa e miembronan di COA Print E-mail
Thursday, 13 December 2012 09:42
Comparti
DSC_2063
E Asamblea General teni diahuebs ultimo cu e gran mayoria di e federacionnan miembro presente, a aproba e presupuesto como tambe e plan di maneho di Comite Olimpico Arubano pa loke ta e aña 2013.

E directiva di Comite Olimpico Arubano a haya e sosten necesario pa asina continua den e forma cu ta maneha e organizacion cupula di deporte di nos pais. Durante e asamblea, COA y su miembronan a repasa e anja deportivo unda a intercambia e informacionnan cu a bai den un forma masha positivo.

Ta bon pa bisa cu COA tur aña ta celebra dos asamblea, esta e reunionnan general cu tur su 24 federacionnan deportivo miembro. E prome asamblea ta pa trata e relato financiero y e relato di tur e actividadnan di e aña anterior, mientras cu den e segundo mitar di aña ta celebra un asamblea pa trata e presupuesto y e plan di maneho pa e proximo aña.
E asamblea a inicia unda Presidente di COA, Sr. Roy Mezas, a resumi con e aña deportivo 2012 por lo general a bai y kiko tur tabata e obhetivonan logra y realisa. Tambe a trece padilanti e puntonan unda mester demostra mehoracion pa loke ta e anja 2013. Como highlight di 2012 Sr. Mezas a menciona e Weganan Olimpico di Londres, serando asina e ciclo olimpico di 4 anja.

Tesorero Sr. Edwin Roos a presenta e presupuesto pa 2013. Un serie di pregunta a ser haci di parti di e federacionnan presente unda cu na final esaki a ser aproba unanimamente, cu e palabracionnan cu e federacionnan lo ricibi dentro di poco algun informacion adicional pa nan analisa.

Secretaria General, Sra. Nicole Hoevertsz a presenta e plan di maneho pa e anja 2013, delineando e proyecto y actividadnan cu tin programa pa e aña benidero. Sra. Hoevertsz a duna un splicacion amplio di e metanan cu COA kier realisa den e anja 2013, esaki riba e terenonan personal, interno y cu e diferente stakeholdersnan. Na banda di esaki tin otro actividadnan cu COA ta desea di ehecuta y desaroya.

Momento di alegria sigur a reina cerca tur presente ora cu a anuncia cu Aruba lo ricibi mas placa pa por inverti den preparacion di e atleta y entrenadornan. Un suma di mas cu $ 1.3 miyon (2.2 miyon florin) reparti den e cuater anjanan venidero, cu e Organizacion Deportiva Panamericana (ODEPA) lo hasi posibel pa e preparacionnan pa e Weganan Panamericano 2015 y e Weganan Olimpico 2016 bai na un nivel mas halto y profesional. Pa entrenadornan ODEPA lo ofrece cursonan di nivel halto, mientras cu atletanan lo haya tambe e posibilidad pa entrena den exterior, na un Centro de Alto Rendimento (CAR).

Por ultimo, Sra. Hoevertsz a duna un bunita mensahe comun yama "sinergia". Sinergia su definicion ta e interaccion di diferente elemento cu ora cu nan wordo combina, ta produci un efecto total cu ta mas grandi cu e suma total di e elementonan individual. Cu otro palabra, COA ta boga pa union entre COA y e federacionnan, pero tambe entre COA y tur e otro stakeholdernan y tambe interno na tur nivel den COA, pa asina hunto cu COA logra exitonan deportivo den futuro pa Aruba. A lo largo ta Aruba y su deporte den su totalidad lo sali benificia di tur e logronan.

E forma cla y e obhetivonan positivo pa e organizacion y su miembronan, a hasi cu tanto e presupuesto y e plan di maneho a wordo aproba cu acceptacion general.

Cu esaki e asamblea general di Comite Olimpico Arubano a termina na un forma exitoso. Aña 2013 ta priminti di bira uno sumamente yen di actividad atrobe, pero cu aporte di tur federacion, staff, comisionnan y directiva di COA, tin tur confianza cu lo sa di sigui hiba e organizacion y deporte Arubano den su totalidad padilanti, den e bon direccion


dowers dowers dowers
dowers dowers dowers
dowers dowers dowers
dowers dowers dowers
dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter