Sunday, 21 September 2014
Oficina Central di Estadistica ta presenta: Resultadonan di proyeccion di poblacion di Aruba 2010-2030 Print E-mail
Thursday, 13 December 2012 10:46
DSC_2063
E envehecimento di poblacion ta mas dramatico entre e personanan naci na Aruba. Durante e proximo 20 añanan ta ser spera cu e cantidad di personanan riba 60 aña lo ta casi dobel, for di 11122 persona na 2010 te 20124 na 2030 (mira e piramidanan di poblacion).

E porcentahe di personanan naci na Aruba riba 65 aña lo aumenta for di 11.2 % te 21.8%. Specialmente e crecemento di esnan di mas edad (riba 75 aña) lo bay ta dramatico. Den Censo 2010, 2519 persona riba 75 aña y naci na Aruba a ser conta. Den 2030, mas cu 3.3 biaha e cantidad di Arubianonan riba 75 aña lo ta biba riba Aruba (8337 persona). Alabez e porcentahe di hobennan bao 15 aña lo aumenta den e proximo dos decadanan. Na 2010, 27.8% di personanan naci na Aruba tabata bao 15 aña. Na 2030, e scenario mediano ta mustra cu esaki lo aumenta te na 29.6%. Mester tene cuenta si cu hopi di e hobennan naci na Aruba a nace for di mayornan stranhero. Consecuentemente e aumento relativo di e cantidad di hoben y adultonan naci na Aruba lo conduci na un reduccion den e porcentahe di personanan naci na Aruba den e gruponan di edad activo (15-64 aña). Durante e periodo 2010-2030 e segmento di edad aki di e poblacion naci na Aruba realmente lo baha for di 40840 te 39009 persona. E parti relativo di esnan naci na Aruba lo baha for di 60.9% te 49.2%.

altalt

Proporcion di stranhero lo aumenta

Desde entrada di Status Aparte na 1986, migracion a cambia den forma significante e panorama demografico na Aruba. Na 1991, 23.9% di tur persona biba na Aruba a nace den exterior. Na 2000 e porcentahe aki a crece te na 33.9%, pero den e ultimo 10 añanan e proporcion di stranheronan den e poblacion total a keda mescos (actualmente 34.0%). E proyeccion mediano ta demonstra cu e status quo actual lo termina y cu e proporcion di stranheronan lo aumenta pa tur grupo di edad. Na 2030, casi mitar di tur persona na Aruba lo ta migrantenan cu lo keda biba aki (48.3%). Ademas, personanan stranhero lo domina completamente e gruponan di edad activo.

Grafico 3 ta describi e cantidad di stranheronan proyecta na 2030 pa cada 100 persona naci na Aruba segun edad y sexo.

 alt

Segun Censo 2010 tin mas stranhero compara cu Arubiano entre e edad di 35 y 45 aña. Na 2030, den cada grupo di edad di 5 aña entre 25 y 70 aña, lo tin mas stranhero cu personanan naci na Aruba. Mester remarca cu e diferencia entre e cantidad di Arubiano y stranheronan lo ta considerable den algun di e gruponan di edad aki. Pa loke ta hende muhe, entre 25 y 65 aña pa grupo di edad di 5 aña, hende muhe stranhero lo surpasa hende muhe Arubiano cu mas cu 50 porciento. Den e grupo di edad 40-44 aña lo tin 2.5 biaha mas muhe stranhero cu muhe Arubiano. Den e grupo di edad aki e cantidad di hombernan stranhero ta dobel di e hombernan Arubiano.

Indice di mortalidad lo aumenta

Debi na e poblacion creciente den e gruponan di edad reproductivo, e cantidad di nacementonan

lo sigui crece. Ta proyecta cu 6238 mucha lo nace den e periodo 2010-2015. Den e periodo di 2025-2030, e cantidad aki lo ta considerablemente mas halto: 9209 mucha. Debi na e crecemento di poblacion total, combina cu e envehecimento rapido di e poblacion, e cantidad di esnan cu lo fayece den e periodo 2025-2030 lo ta mas cu dobel cu den 2010-2015. Pa motibo cu mas hende lo a move den e gruponan di edad cu ta experencia probabilidadnan mas halto di fayecimento, e indice di mortalidad lo crece for di 4.9 pa cada mil persona den 2010-2015 te 7.6 den 2025-2030.

E publicacion ‘Population Projections 2010-2030’ ta obtenibel riba website di Oficina di Central di Estadistica: www.cbs.aw

Comentarionan (1)Add Comment
ZR1
December 13, 2012
201.229.97.46
Votes: +0
...

tristo kon stranhero ta birando mas cu lokaalnan, sera porta y sak esnan ku no ta hasi nada pa bida afo y e bandidonan tambe

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter