Wednesday, 23 July 2014
Rudy Lampe: RED ta repasa e sucesonan positivo mas importante den 2012 Print E-mail
Thursday, 13 December 2012 11:31
DSC_2063
Un evento cu a sobresali den 2012 ta e parada cu esnan cu limitacion organisa dor di Red Cross. RED ta aplaudi e iniciativa aki, den su programa electoral 2013 RED tambe ta enfatisa e derecho di esnan cu necesidad special. Nan ta hende y nan tin derecho mescos cu tur hende.

Un organisacion cu a sobresali den 2012 ta esun di Edad No Ta Conta. RED ta felicita e organisacion aki , RED tambe ta pidi atencion pa derecho di hendenan grandi den su programa. Un caso cu a sobresali den 2012 ta esun di e hoben cu a sali na estado, directiva di scol a kite foi scol y huez a obliga pa tume bek, pasobra derecho humano ta para riba tur regla. Cu agrado RED a tuma nota di e veredicto aki, pasobra e prioridad absoluto di RED ta en berdad derecho di muchanan y enseñanza.

A sobresali den 2012 e prome gay marriage den Caribe, nos ta felicita e pareha hoben di Aruba cu a casa na Saba, Nos ta felicita tambe parlamentario Desiree Croes y su pareja cu a casa na Hulanda. RED ta orguyoso di a contribui na e discusion y cu e no ta un taboo mas. Tur famia tin un of mas persona gay y nan ta hende y tur hende tin mesun derecho. RED no ta acepta un politica di avestruz, di nenga e realidad aki, of cu un minister mester bai te Hulanda pa ta testigo di bruid di un parlamentario di Aruba pasobra e casamento no por tuma lugar na Aruba. Minister y parlamentarionan di e partido gobernante ta declara cu nan no tin problema, di con nan no ta cambia e ley anto pa hacie posibel na Aruba. RED ta boga pa e gay marriage ta posibel tambe na Aruba y nos no por stopa e ola di derechonan humano den 2013.

Loke a sobresali tambe den 2012 ta testimonio den medionan di comunicacion di diferente persona cu uso personal di cannabis a beneficia nan bida. RED den 2012 a kibra otro taboo, dor di mustra e importancia di medicina natural. Pessei RED ta boga pa legalisa cannabis, un remedi potente cu ta juda den asina hopi malesa. AZV ta paga pa un patient di Multiple Sclerosis 60 mil florin pa aña na remedi farmaceutico cu no ta juda e patient y cu hasta tin side effects y ta daña otro organo. Cannabis ta gratis si e haja chens di cultive pa su uso personal. Nos ta boga pa medicina natural keda paga dor di AZV. Pakiko ta remedi di Minister Richard Visser so AZV ta paga? Dicon AZV no por paga consulta serca dokter naturista y remedi natural? Mas y mas hende ta haya alivio mas lihe y miho di remedi natural. Ademas estudionan ta mustra cu unda a legalisa cannabis criminalidad a baha drasticamente,.

Un premio cu a sobresali ta pa e projecto “Chanita ta di fiesta” di sr. Gino Kock, unda Universidad di Aruba y Hyatt Regency Aruba ta uni pa promove uso di productonan di cunuceronan y piscadornan local. Pabien Universidad di Aruba cu e initiativa aki, pabien tambe pa a habri porta pa dr. Eva Latham kende su diesrede a sacudi Aruba y kende a bolbe tene un charla impresionante na Cas di Cultura tocante Democracia y Derechonan Humano na Aruba. Y pabien IPA cu su acreditacion, un noticia asina alentador den 2012. RED ta desea pueblo di Aruba feliz dianan di Pasco y un Aña Nobo yen di bondad.

 

 

Comentarionan (2)Add Comment
R.R. Ras
December 13, 2012
201.229.45.78
Votes: +1
...

Rudy ablief? Positivo? E palabra ey ta exisiti den bo vocabulario y diccionario? Hende sa ta payaso!!!!

rod
December 13, 2012
201.229.42.235
Votes: +4
...

Un otro noticia bon ta e sentncia contra
Booshi Wever cual ta bin companja pa un cachi-cachi
di 20.000 bubu....Anja lo habri cu otro parlamentario
di MEP sinta dilanti huez pa duna cuenta di mafiamento
di placa di pueblo...!!!! Miho ta imposibel !!!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter