Tuesday, 29 July 2014
Artista, arkitecto y director di su propio studio Daan Roosegaarde Print E-mail
Thursday, 13 December 2012 15:00
DSC_2063
Durante su bishita na Hulanda Prome Minister Mike Eman tabatin un encuentro cu e conocido Daan Roosegaarde, un artista Hulandes, arkitecto y director creativo di Studio Roosegaarde, un laboratorio artistico independiente cu ta desaroya piezanan di arte interactivo. Eman y Roosegaarde a papia riba un eventual cooperacion entre su Studio y Aruba.

Roosegaarde a splica cu su studio ta trahando riba un serie di arte interactivo. E forma di arte aki ta implica cu obheto di luz ta reacciona riba zonido y movecion di hende. “Mi tabatin un bon combersacion cu Prome Minister Eman. Nos tur dos ta masha fascina dor di hende, tecnologia y durabilidad”. Roosegaarde kier mira con e por yega na un eventual cooperacion cu Aruba.

“Centro di ciudad di Aruba ta wordo renoba y na mes momento e ta haya un otro dimension; menos trafico y mas hende. Ta bay bin areanan social na unda tur hende ta sinti su mes na cas. Lugarnan na unda por tin interaccion. Nos ta bay traha riba algun proposicion con duna e plazanan bida atrobe pa medio di luz y zonido”.

E plannan aki ta planea pa wordo ehecuta medio 2013. Daan Roosegaarde a bisa cu pronto e ta bin Aruba. “Tempo mi tabatin 16 aña mi a spaar pa haci un biahe internacional y e prome pais cu mi a bishita tabata Aruba. Pa mi ta super spectacular pa bay bek y mira con traha riba algo permanente eynan pa e hendenan por sinti nan mes na cas”.

Roosegaarde ta splica cu durabilidad ta e criterio nobo y a bira algo inevitabel. “Nos mester pensa den un otro forma riba energia. Con pa gener’e y haci uso di dje”. Pero e ta haya cu durabilidad ta bay mas leu cu energia so. Bo ta sinti tambe un relacion emocional entre bo mes y loke tin rond di bo. “No mester ta asina cu gobierno automaticamente ta esun cu tin cu regla tur cos. Loke ta evidente ta cu abo ta parti di bo alrededor”.

Esaki tabata un prome encuentro. “Prome Minister Eman y ami ta comparti un pasion pa hende, tecnologia y innovacion”, Roosegaarde a bisa na final.

dowers dowers  

Comentarionan (3)Add Comment
Sabio
December 13, 2012
84.80.2.154
Votes: +7
...

Awel macamba, spera cu e placa lo sali for di Mike su saco. E gobierno aki mester stop di kere cu nan ta donjo di placa di pueblo!!smilies/angry.gifsmilies/angry.gifsmilies/angry.gif

99
December 13, 2012
201.229.45.50
Votes: +7
...

Pa hospital di Aruba a busca arquitectonan Americano! Pa drecha caya, plaza etc awo ta otro arquitecto di Afor???? y arquitectonan di Aruba tin suficiente trabou???? Of arquitectonan na Aruba no tin e capacidad pa cu e projecto nan asina?? increible....

Veneranda
December 13, 2012
201.229.36.138
Votes: +7
...

Ban ta serio Mike bo no tin nada di hasi na Hulanda anto bin Aruba juda Dowers solushona tur e atraconan cu tin!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter