Friday, 31 October 2014
Minister Otmar Oduber ta sigui inverti den ekipo y personal di Meteo pa brinda un mihor servicio Print E-mail
Thursday, 13 December 2012 16:12
DSC_2063
Durante e celebracion di hubilario y pension di empleadonan publico cu ta  laborando den Departamentonan cu ta resorta bou Minister Otmar Oduber, e mandatario a duna pabien tambe na empleadonan di Departamento Meteorologico Aruba (DMA) cu a pasa e curso di ‘Operational Satellite & Radar Interpretation’ cu exito.

E curso a wordo duna dor di Artur Ferreira, specialista Meteorologico Aeronautica for di  ICAO y Marck Oduber, director di e departamento.  

Durante e curso e empleadonan a siña con pa analiza y interpreta diferente foto di satelitenan meteorologico, radar y con pa aplica e conocemento aki pa pronosticonan di termino cortico, en especial pa aviacion. E personal cu a pasa e curso ta: Antony Lo, Karel Kock, Kenneth Wolff, Lisandro Arends, Lothar Irausquin, Maikin Pourrier y Rodney Tromp.

 Adicionalmente e experto di ICAO ta yudando DMA pa implementa henter un sistema di QMS(Quality Management) pa DMA. Den e proceso aki DMA lo brinda mihor servicio na su cliente primario cu ta aviacion. E sistema aki ta rekeri cu DMA lo mester mantene su mes na standardnan hopi halto pa por duna un servicio di calidad halto. Ademas, cu e implementacion di QMS aki DMA lo ta un di e poco servicionan meteorologico den e region cu lo tin e sistema completamente implementa.

Na inicio di otro aña e experto di ICAO lo ta bek na Aruba pa duna mas curso na personal di DMA y keda cla cu e implementacion di QMS. E vision ta pa upgrade e personal pa ‘aeronautical forecasters’, un deseo cu ta biba cerca empleadonan di Meteo Aruba desde 1986.

Empleadonan di DMA a informa Minister Otmar Oduber cu nan ta sumamente contento cu su maneho, mirando cu e ta un minister cu ta dunando DMA e atencion necesario. Tambe nan a mustra di ta hopi contento cu e cantidad di inversion den ekipo y personal cu tumando lugar na Meteo. Tur esaki ta den cuadro di e vision di Ministro Oduber pa DMA por labora mas indepediente di Corsow, e pa por brinda un bon servicio di calidad halto na su clientenan cu ta inlcui aviacion, usuarionan maritimo y publico en general.

dowers dowers  

Comentarionan (1)Add Comment
djodjo
December 13, 2012
201.229.50.219
Votes: +0
...

Nos lo kier pabo para e ley kens kubo kier pasa na january ey. ta unda bo ta kere ku bo kier pone un trahador traha solamente 40 ora pa siman???? kon bo ta kere un hende por biba ku un salario di 40 ora??? imaginabo si e persona su salario bruto ta 1800 fl pa luna y despues di kita belasting ect e ta hanja den su man pa bai kas kune 1500fl y for di esaki e tin di paga huur, cable, awa, coriente, cuminda, transport y of gasoline pa luna??? y si e tin juw??? kon nos ta bai biba asina aki???? hasi algo Otmar sibo kier bini bek den gobierno paso esaki ta inaceptabel. e ta un abuso ta mas pobresa ta bai tin paso ami mes ta traha 40 ora pa siman pero mi tin un partime otro kaminda y ku esey mi ta sobrevive pero ku un salario so di 40 ora mi no por paso e gasto nan di e prome necesidad ya ta surpasa loke ta bin kas kune. si e gobierno aki no stop e ley stupido aki of hasi kambio liger boso no por prohibi ningun hende di traha un partime dus mas ku 40 ora esey ta un abuso.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter