Thursday, 24 July 2014
Bendemento Rifa di Colegio Arubano Print E-mail
Thursday, 13 December 2012 17:54

rifa 2013

Manera tur hende sa e muchanan di H4 y V5 di Colegio Arubano ta bendiendo nan rifa cu lo cubri un parti di e gasto pa nan biahe educativo pa exterior na april otro aña. Apart di esey lo tin tambe un grandioso bingo y un dushi caminata na 2013. Door cu e gastonan pa e biahe pa exterior ta halto e alumnonan tambe mester aporta un parti di nan mes! Den promer instancia e rifa lo tabata,

no solamente pa alumnonan di Colegio Arubano, pero tambe pa esunnan di Colegio San Nicolas. Door cu Colegio San Nicolas a cay un tiki pretá cu tempo pa nan por organisá nan biahe educativo pa nan Havo4, nan NO ta participá mas den e rifa!! Naturalmente e rifa, pa varios aña caba, ta keda di Colegio Arubano, cu ta esun responsabel pa e organisacion di e rifa, pa e bendemento y pa e premionan di e gran rifa aki di 10 premio (di cual 2 auto nobis nobis como promer y segundo premio). Colegio kier a pidi tur (bon) comerciante colaborá cu e muchanan cu hopi biaha ta bende rifa dilanti di cierto negoshinan! Esaki muy en particular na tur pomp-station y dilanti e supermercadonan. E muchanan a wordú instruí cu si un hende NO kier aportá cumprando un ticket di e rifa/bingo/caminata, pa cual motibo cu ta, pa respetá esey completo y no sigui insistí. Pues e muchanan ta supose di no causa molester na ningun hende ni na ningun negoshi!! E donashon pa ticket ta solamente 5 florin. Colaborando cu e muchanan bo persona lo ta colaborando cu e futuro generacion di Aruba. Awe ta nan, mayan lo por ta bo mesun yiu. Colegio tambe ta laga sa cu e grandioso Bingo cu tabata planeá pa dia 19 di januari 2013 a wordú cambia pa dia 26 di januari ya cu dia 19 tin un actividad grandi di Carnaval. E bingo lo ta mesun lugar, mesun ora y mesun premionan solamente dia 26 di Januari 2013. Na nomber di e muchanan di H4 y V5 suerte na un y tur. Di antemano tambe un gran danki pa boso sosten.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter