Saturday, 19 April 2014
Minister Mike de Meza: Gobierno a ofrece pa paga 825 florin na tur empleado publico den luna di augustus Print E-mail
Thursday, 13 December 2012 18:26

Mike de Meza006

Esaki ta loke Minister di Finanza Mike de Meza a duna di conoce for di Hulanda, relaciona cu reaccion di SPA cu nan no ta acepta cero porciento di indexering den 2013. Teniendo cuenta cu e situacion financiero publico di pais Aruba, segun Minister de Meza a splica, teniendo cuenta cu e diferente efectonan cu Aruba ta luchando cun’e y e retonan, e balansa total cu Gabinete Mike Eman a bin ta trahando riba dje, ta haci cu e topico di Indexering ta uno dificil.

Pa cuminsa tin e situacion cu e refineria a stop su operacion, cu a trece cune un perdida di entrada pa Aruba. Aña pasa, e ta bisa, momento cu Gobierno a sinta na mesa cu sindicatonan, tabatin un pronostico di crecemento economico di 8.5%. Esaki sinembargo a baha considerablemente, mas cu 5 punto, door di e paro den operacion di e refineria. E ta trece un reto grandi pa Gobierno den 2013. Banco Central ya caba a bisa, de Meza a señala, cu Gobierno mester corta 70 miyon florin den su presupuesto, “aunke Gobierno mes ta kere cu esaki mester ta entre 70 pa 100 miyon florin.” Tur esaki, el a bisa, a wordo splica na tur e sindicatonan y a acorda na mesun momento cu Gobierno ta reconoce e retraso di pago pa loke ta perdida di poder di compra di aña 2002 pa 2007, tempo di Gabinete Nelson Oduber IV, durante cual no a paga nada di indexering. “E Gobierno aki na 2011 y 2012 a paga indexering. Si bo conta e cantidad cu a wordo paga acumula ta mas cu 5 mil florin na cada empleado publico. Pesey e Gobierno aki tin preocupacion pa e situacion di e trahadonan. Nos a demostra esaki cu boluntad di contribui na esaki tambe.” Como Gobierno tin comprension pa e situacion, a propone pa paga na luna di augustus e suma di 825 florin na cada empleado publico pa compensa e perdida di compra durante e Gobierno anterior. Pero e indexering di 2012 cu mester wordo paga den 2013, aworaki ta bira un tiki dificil pa Gobierno paga. “nos mester ta cauteloso cu esaki pasobra mundo total tin su retonan grandi. Nos a haya confirmacion cu na Hulanda nan a freeze salario di tur ambtenaar y esnan cu tin funcion similar na esnan di ambtenaar pa cinco aña largo. Na Aruba nos no kier bay dje ;eu ey. Nos ta prefera pa evalua e situacion tur aña pa mira con e situacion ta y wak con nos por compensa e ambtenaarnan.” E mandatario a enfatisa cu den tur protocol ta pone cu tur cos ta depende di finanza publico,. Aruba tin retonan grandi, e ta bisa, y lo ta lamentabel si na un manera iresponsabel anda cu esaki, pasobra e lo tin implicacionnan sumamente grandi. E por causa cu e companianan cu ta haci rating di Aruba, por baha e isla di categoria si e finanza no ta wordo maneha cautelosamente. “Esaki nos a bin ta splica tambe. Hunto nos tur na Aruba tin cu carga e momentonan dificil, caminda cu por Gabinete Mike Eman a demostra di ta dispuesto y ta cooperativo pa yuda, loke nos a bin ta haciendo e ultimo tres añanan na un sistema responsabel, balanceando e situacion na Aruba,” de Meza a splica. Gobierno ta traha pa recupera e economia, pero sigur yudando esnan cu menos entrada. El a duna ehempel di aumento di onderstand, introduccion di reparatie-toeslag, School Kindertoeslag, reparatie-toeslag pa esnan cu pensioen, a paga durante dos aña indexering. “Pues e Gobierno aki a demostra di tin boluntad, pero mester balansa e situacion. Na momento cu e situacion ta bira dificil, mester wanta un poco. Ta na bienestar di Aruba den su totalidad pa tin un finanza responsabel.”

Comentarionan (10)Add Comment
Maroe
December 17, 2012
201.229.85.78
Votes: +0
...

Na 2008 partidoNAN den oposicion, incluso AVP a sostene e mesun ambtenaar cu awe merece su indexering, pa e sali lucha pa su derecho. Awe gobierno kier sconde tras di ceramento di Valero. Mane hopi comentario ta bisa: Bo tabata sa cu e situacion ta malo y bo a gasta placa bay off na cosnan innecesario. Cuminsando na poco palma den caya cu prijsnan ri**lo!! Just no papiami di 0%, paso esaki no ta discutibel mes!!!! (tambora y loudspeaker ta cla).

Black P
December 15, 2012
201.229.71.79
Votes: +0
...

Mi pregunta ta : Tanto titulo cu boso tur tin anto ni asina boso por a pone kico ta e prioridad mas halto cu pais Aruba mester? Scucha pueblo pa asina boso hanja un idea. E arogancia cu algun di boso parlamanetarionan tin lo pone cu boso por perde algun votos otro anja y mi ta spera cu Aruba no hanja un gobierno di un solo partido nunca mas. Gobierno di coaliccion, esun cu no gusta e biba cune.

Black P
December 15, 2012
201.229.71.79
Votes: +3
...

E cos aki ta facil. For di promer dianan di gobernacion boso mester tawata tin un idea caba con delicado e estado financiero di tanto pais Aruba y gobierno tawata ta. Nos no kier tende cu no tin placa paso cuminsa na kita e coordinadornan cu no ta haciendo net net nada ok. Cuminsa corta gasto den boso mesun oficina unda cu a hinca mas hende pa fabor politico despues nos por cuminsa papia.

Justicia
December 15, 2012
201.229.37.219
Votes: -3
...

Pa traha hopi di boso ambtenaar no tin energia ,pero pabringa pa mas placa si bosonan tin energia te sobra .Esta mal agr***do algun di boso ta .Corda cu den sector priva nan ta paga belasting anto boso ke abusa pa hanja.bin bij i stop di gasta placa na cos sin nodi, i cuminsa spaar e ora bo lo jega leuw.

gerard
December 15, 2012
201.229.44.92
Votes: +0
...

@pedro tromp. Bo kier meen cu ambtenaar bai den accion? waauw, no cansa bo curpa di mas

nan
December 15, 2012
201.229.13.213
Votes: +2
...

ATIA sui generis a haya 30% di aumento ora nan a bai di ambtenaar pa nan status nobo. Awor nan a caba di haya awg.340,= di aumento di indexering y tambe 13de maand, vakantie uitkering ect. WEB NV e trahadornan a haya awg.200,= di indexering y awor gobierno kier bin bisa cu no tin placa pa ambtenaar? Mi no ta kere cu ambtenaarnan lo guli e pildo aki.

the other Mike ubermensch
December 14, 2012
201.229.78.106
Votes: +4
...

Pa kiko difisil?
Ta mas fasil ora bo tawata den oposishon pa grita: "INDEXERING AWOR !!!"

Y awor cu bo ta goberna esey ta difisil?

CAMPANIA TA UNO y GOBERNASHON TA ESAKI !!! TUMA AWOR.

pedro tromp
December 14, 2012
190.2.160.238
Votes: +4
...

mester just pone aruba plat...no ta importante que temporada e ta...wak na europa con nan ta strike na spanje y otro pais nan ey banda...nos ambtenaar mester just pone trabow abow y bai demostra dilanti bestuur kantoor....anto nos ta verwacht e parlamentario nan di AVP tambe bin para hunto cu nos mescos cu nan hasi tempo cu MEP twt goberna...ay september 2013, yega pa caba!

Pica
December 14, 2012
201.229.86.29
Votes: +5
...

Ambtenaar nan y resto di Aruba no a pidi pa gasta miyones di florin den un tram!!!!!! Por a drecha caya grandi sin bin cu un tram!!! E resto di embeyesemento di e barrio nan tampoco no twt un prioridad, pero e ta un bon iniciativa di gobierno (mi por guli e pildo ey) Bende e tram ey y bo lo por paga bo ambtenaar e proximo aña nan di indexering

jos
December 14, 2012
201.229.74.45
Votes: +23
...

tempo cu sr nilo swaen x-minister di pais ARUBA twt sinta den e mes un stul cu sr de mesa ta sinta awor si sr de mesa twt grita pa welaga i indexering awor ,anto awor si ta bisa cu mester juda gobierno awel gobierno a hanja 500 miyon unda el a bay gastamento di placa sin pensa riba trahadornan i e pueblo anto awor si ta pida pa juda awel esaki ta un bibo ehempel di ley di karma loco bo hasi na otro ta bin pabo bek

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter