Thursday, 18 September 2014
Pa e fin di siman aki tur cos den Caya Grandi lo ta bao control segun Jossy Figaroa Print E-mail
Thursday, 13 December 2012 22:43

Jossy caya

Den un combersacion cu ing. Jossy Figaroa el a conta cu e proceso di embeyecimento di caya grandi ta bayendo e momentonan aki. E mes tabata canando den caya diasabra y a mira e cantidad di hende cu ta bolbiendo den caya, y a pone corda riba tempo cu e tabata chikito cu hopi hende tabata bin den caya grandi.

Kizas e magnitud awor no ta manera e tempo ey, pero ta sigur cu den futuro si lo ta asina. Mescos cu a pasa den e otro proyectonan, entre nan e spiraal rotonde, tabata tin algun contratiempo, y esun cu a causa e dolor di cabes mas grandi ta e tubonan grandi di e companianan di utilidad, e riolering di DOW mes, y cosnan bieu cu nan no tabata sa cu ta bao di tera den Caya y cu mester a saca afo. Sinembargo e contratista ta trahando 24 ora sin stop cu su gruponan pa manera a priminti prome cu Pasco y cu Aña cera, Caya Grandi ta accesible pa pueblo y e ta sigur cu ta bai logra. Algo bunita cu falta ainda ta e luznan cu a manda busca nan for di exterior y cu lo wordo instala entre diabierna awor y fin di siman. E lo keda un proyecto precioso, segun Jossy Figaroa. El a splica cu e parti di streetscape mester a inicia na April pero e por a cuminsa te na September, y pesey no por verwacht cu e contratista por ta cla cu full e trabao pa December pero e ta haciendo tur su best y pa e fin di siman aki tur cos lo ta bao control, Figaroa a bisa. El a mustra contento cu e dianan nos dilanti lo tin hopi evento den Caya y e ta sigur cu hopi hende lo bin wak con e trabao ta kedando y tambe pa haci compras. Ultimo biaha cu a drecha algo den Caya tabata na 1988 pero el a consisti di ponemento di klinkers na banda, cambionan riba e caminda y luznan cu a ser poni. Awor ta full otro concepto, un caya completamente nobo cu diferente clinkers, matanan bunita, kiosco, tapa solo y e tram cu lo cuminza core. Gobierno a mira e trabao den Caya Grandi necesario pasobra si e lo no a haci esaki e lo a bira un lugar scur, alimento pa criminalidad unda cu comercio lo a caba na nada. Ya caba Arubianonan biba afo cu a bin bishita nan famia a bisa Jossy Figaroa cu ta increible e cambio cu nan ta mira den Caya Grandi y cu nan no tabata sa cu e paso aki a wordo tuma y e lugar bira asina bunita.

Comentarionan (1)Add Comment
pedro antonio uzcategui
December 13, 2012
201.229.126.62
Votes: -3
...

calla grndi tin casi 2 añas,y ainda nan no ta cla,awo aki nan ta bin gaña e calla e ta cla de un siman,imposibel,

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter