Friday, 29 August 2014
DOW purbando back cu Thermo Plast pero awor di mehor calidad Print E-mail
Thursday, 13 December 2012 22:30

Jossy thermo

Durante e entrevista cu Jossy Figaroa, director di DOW, el a bisa cu na Aruba a yega di usa Thermo Plast pa marca caminda y cu tampoco a funciona manera a pensa, pero si ta mas duradero y tambe caro. Den e spiral rotonde awor a pone algo di mas calidad, y si resulta cu e lo resulta bon e lo bira e normanan cu DOW lo tene su mes na dje.

Figaroa a splica cu aworaki e ta parce bon pero te ainda autonan no a core riba dje, pero mester busca algo di mas calidad pasobra no por sigui pone verf cu un par di siman despues a kita bek. Esaki ta un problema no di Aruba so pero tine na Curacao y otro islanan den Caribe, y Figaroa ta asumi cu e ta debi na nos clima. Pesey e asunto aki a wordo trata cu Curacao y otro islanan den Caribe cu ta lucha cu e mesun problema y te awor no por a sali for di dje. DOW ta spera cu e material cu e compania encarga cu spiral rotonde a pone si ta di hopi mehor calidad pero esaki ta algo cu mester warda wak kico tempo ta bisa.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter