Thursday, 30 October 2014
Rietveld Academie lo amplia y lo por ofrece HBO Opleiding na Aruba mes Print E-mail
Thursday, 13 December 2012 22:47

michelle rietveld

Den un entrevista cu Michelle Hooyboer Winklaar, minister di cultura, el a mira atras 2012 como un anja hopi exitoso riba loke ta e preparacion pa studiantenan drenta Rietveld Academie na Amsterdam, Hulanda pa nan opleiding HBO.

E minister a splica cu esaki ta un curso cu hunto cu Rietveld a wordo hinca den otro pa prepara e studiantenan cu ta bay drenta den e Bachelor Opleiding aki. Tin algun aspecto cu mester a wordo regla prome den e parti structural y esaki ta pa prepara e studiantenan riba kico e bida na Rietveld ta. E prome anja a participa 18 studiante pa motibo cu e localidad actual tin poco espacio pa mas cupo, pero pa 2013 nan lo muda den un edificio monumento na Wilhelminastraat tegen over di Brenchies. E studiantenan a completa un programa di 30 siman y 15 di nan a bay Hulanda caba. El a bisa cu e doorstroming aki tabata hopi exitoso y tin hopi beneficio cu esaki. Esun prome ta cu na Aruba a habri un Academia Rietveld cu ta hopi reconoci na Europa y cu tin un nivel di HBO hopi halto pa e hobennan cu no kier sigui un estudio tradicional pero cu tin talento artistico y ta desea di bay den e direccion aki. Minister Hooyboer a splica cu pa 2013-2014 tur cos lo keda cla pa despues brinda e opleding na Rietveld Academie di Aruba mes y esaki por expande na como 200 studiante, caminda cu studiantenan di nos region tambe por bin studia na Aruba, y paga un fee diferente cu lo ta un entrada extra, y akinan ta haya un diploma Europeo. Esaki ta un bentaha pa e studiantenan cu no kier bay studia na Hulanda pero kier keda den e region y mescos pa nan mayornan. E minister a splica cu no menos cu 50% di e graduadonan di Rietveld Academie ta lanta nan propio negoshi no den arte so pasobra e tools y potencial cu nan ta haya ta habri posibilidadnan pa bay mas leu ainda y na Aruba por crece un industria artistico tambe. E minister ta hopi contento cu Rietveld a scoge Aruba como su partner den e region y cu Aruba a cumpli cu e test cu ta e curso preparatorio pa drenta Rietvel na Hulanda.

Comentarionan (1)Add Comment
rod
December 14, 2012
201.229.45.42
Votes: -3
...

Interesante ta cu e asina yama "uinversidad" di
Aruba a keda atras di IPA, Rietveld Academie y manera
e cos ta bayendo por keda atras di Emma Skol tambe....!!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter